Zsuzsa Polgár, tamién conocida como Susan Polgar ye una xugadora d'axedrez d'Estaos Xuníos nacida n'Hungría. Tamién ye escritora y promotora del axedrez. Biografía Nació y crióse en Budapest col nome de Polgár Zsuzsanna. Xunto coles sos hermanes Judit y Zsófia, aprendió a xugar axedrez bien nuevu, so la iniciativa del so padre László Polgár. Los sos padres, quien yeren pedagogos, optaron pol sistema d'educación en casa, utilizando'l esperantu como si fuera la llingua materna, dando gran importancia a la práutica del axedrez y nun dexando que les sos fíes, dende pequeñes, participaren en torneos puramente femeninos.
Participó nel World Microcomputer Chess Championship, en Budapest, en 1983 y yera conocida yá como una gran xugadora.
En xunetu de 1984, a la edá de 15 años, tuvo nel puestu más altu del ranking femenín de xugadores d'axedrez de la FIDE.
En 1985, la Federación Húngara d'Axedrez nun-y dexaba viaxar a xugar torneos al estranxeru porque se negaba a xugar en torneos femeninos, nun pudiendo participar nel Campeonatu Mundial Absolutu onde llograra clasificase. En 1991 consigue'l so títulu de Gran Maestru Internacional (GM) d'axedrez a la edá de 23 años, en categoría absoluta (non femenín).
En 1993 decide participar nel campeonatu mundial femenín, sicasí, nun lo llogra al empatar con Nana Ioseliani a 12 xuegos.
En 1996 finalmente gana'l títulu mundial ganando a Xie Jun, perdiendo'l so títulu en 1999 al negase a defendelo por cuenta de los cambeos nel formatu del campeonatu Mundial. Tamién foi campeona olímpica trés vegaes na Olimpiada d'Axedrez que se realiza cada dos años, y llogró medaya seis vegaes. Tamién foi la única persona que llogró'l títulu de campeona d'axedrez en modalidá clásica, Blitz (a cinco minutos), y axedrez rápidu (25 minutos). N'ochobre de 2005 llogró un Elo de 2577, faciendo d'ella la segunda muyer del ranking mundial, por detrás de la so hermana Judit Polgár. thumb|Zsuzsa Polgar.
Polgar vive n'Estaos Xuníos, en Lubbock (Texas), tres camudase dende'l barriu neoyorquín de Forest Hills, onde fundó'l Polgar Chess Center y la Fundación Susan Polgar qu'apurre entrenamientu n'axedrez pa neños y, especialmente, pa neñes. Na llista de xineru de 2008 de la FIDE, Zsuzsa tenía 2577 puntos de Elo.
Ver tamién Axedrez
Referencies
Enllaces esternos
Chessbase.com Páxina web oficial Polgar Chess Center Blogue de Susan Polgar
Categoría:Axedrecistes d'Estaos Xuníos Categoría:Axedrecistes d'Hungría Categoría:Campeones mundiales d'axedrez Categoría:Escritores d'axedrez Categoría:Esperantistes d'Hungría Categoría:Grandes maestros y maestres internacionales d'axedrez Categoría:Persones de Budapest