L'osetiu o oseta ye una llingua de la familia irania que se fala en Osetia (Iristán pa los nativos), nes fasteres centrales de los montes d'El Cáucasu, nuna zona fronteriza ente Rusia y Xeorxa.Rafael del Moral (2002): Diccionariu Espasa de Llingües del Mundu. Madrid, Espasa. ISBN 84-239-2475-4. L'área en Rusia ye conocida como Osetia del Norte - Alania, ente que l'área sur de la frontera ye conocida como Osetia del Sur, reconocida por Rusia, Nicaragua, Venezuela y Nauru como un Estáu independiente, pero considerada pol restu de la comunidá internacional como parte de Xeorxa. El númberu de falantes d'osetiu ye d'alredor de 525.000, el sesenta per cientu de los cualos vive en Osetia del Norte y el diez per cientu en Osetia del Sur.
Historia La llingua osetia pertenez a la caña irania nororiental de llingües indoeuropees. Ye considerada la heredera de los dialeutos escites"Antiguu osético", en Linguae imperii de l'antigüedá (de los que caltién y desenvuelve les carauterístiques fonétiques fundamentales que los dixebren d'otres llingües iranies antigües) y de los alanos de la Edá Media.
Esiste una tradición escrita n'osetiu (en dambes variedaes, iriano y digorés) dende finales del sieglu XVIII. Hai munches epopeyes n'osetiu, siendo les más famoses les de los guerreros narts. La llingua lliteraria quedó establecida pol poeta Kostá Jetagúrov (1859–1906).
Estensión L'osetiu ye la llingua nacional y lliterario de la nación osetia, tando estendíu pel territoriu de la República Autónoma d'Osetia septentrional y na Rexón Autónoma d'Osetia meridional, cuntando con unos 500.000 falantes.
A la rexón rusa llámase-y Iristán del Norte-Alania (familiarmente Alania) o Osetia del Norte, cola capital Vladikavkaz, ente que'l llau xeorxanu ye Osetia del Sur (capital: Tsjinval). Hai unos 500.000 falantes d'osetiu, de los cualos un 60% vive en Iristán-Alania y un 15% n'Osetia del Sur.
Variantes Esisten dos dialeutos o variantes xeográfiques: el ironau (iriano n'español) y el digoronau (digorés n'español), siendo la primer variante la más falada, anque dambes son oficiales.Vease l'Artículu 17 de la Constitución de la República Iristán del Norte-Alania L'osetiu escritu puede reconocese fácilmente pol so usu de la lletra æ, lo cual nun asocede en nenguna otra llingua qu'emplegue l'alfabetu cirílicu.
Alfabetu La forma lliteraria de la llingua tien 35 fonemes: 26 consonantes, 7 vocales y 2 diptongos.
Alfabetu cirílicu (dende 1937): А/а, Ӕ/ӕ, Б/б, В/в, Г/г, Гъ/гъ, Д/д, Дж/дж, Дз/дз, Е/е, Ё/ё, Ж/ж, З/з, И/и, Й/й, К/к, Къ/къ, Л/л, М/м, Н/н, О/о, П/п, Пъ/пъ, Р/р, С/с, Т/т, Тъ/тъ, У/у, Ф/ф, Х/х, Хъ/хъ, Ц/ц, Цъ/цъ, Ч/ч, Чъ/чъ, Ш/ш, Щ/щ, Ъ/ъ, Ы/ы, Ь/ь, Э/э, Ю/ю, Я/я.
Alfabetu llatín (dende 1923 hasta 1937): A/a, Æ/æ, B/b, C/c, Č/č, D/d, E/e, F/f, G/g, H/h, I/i, J/j, K/k, L/l, M/m, N/n, O/o, P/p, Q/q, R/r, S/s, Š/š, T/t, O/o, V/v, X/x, Y/y, Z/z, Ž/ž
Ver tamién Lliteratura n'osetiu Idiomes oficiales en Rusia
Referencies
Bibliografía Abaev, V.I. Idioma y Folclor Osetios (trad.), Academia Soviética de Ciencies, Moscú-Leningráu, 1949 Arys-Djanaieva, Lora. Parlons Ossète. París: L'Harmattan, 2004, ISBN 2-7475-6235-2. Nasidze et al., Genetic Evidence Concerning the Origins of South and North Ossetians. Annals of Human Genetics 68 (6), 588–599(2004)
Enllaces esternos
Antiguu osetiu en linguae imperii
Idioma osetiu Categoría:Llingües de Rusia Categoría:Llingües de Xeorxa Categoría:Llingües de Turquía Categoría:Alanos