Les llingües indoaries centrales constitúin demográficamente la principal caña les llingües indoaries, falaes principalmente n'India (anque l'urdú ye una llingua alóctona con reconocencia en Paquistán) y Nepal, fundamentalmente nos estaos de Rayastán, Uttar Pradesh y Madhya Pradesh.
La llingua más conocida del grupu ye'l hindi-urdú que ye oficial tantu n'India como en Paquistán. L'antecesor común d'estes llingües sería'l śauraseni.
Clasificación Les llingües indoaries centrales tán formaes por dellos grupos que dellos autores consideren como llingües filoxenéticamente independientes. L'agrupación más comprensiva de llingües indoaries centrales inclúi: Indoario norcentral o pahari Llingües pahari centrales: Garhwali, Kumauni. Llingües pahari orientales: Nepalés (Gurkali), etc. Indoario centro-occidental Llingües rajastaníes: Marwari, Rajasthani Llingües guyaratíes Llingües bhil Llingües khandeshi Domari-RomanínEl romanín ye tratáu como un grupu a parte por Kausen Indoario centro-oriental, madhya o hindi Hindi occidental: Indostánicu (hindi, urdú). Hindi oriental: Hindi de Fixi, chhattisgarhi, awadhi, bagheli, dhanwar. Dellos autores consideren que'l panyabí oriental como parte del grupu centro-occidental de les llingua indoaries centrales.
Referencies
Bibliografía Colin P. Masica: The indo-aryan languages (páx. 85). Cambridge University Press, n'inglés, 1993. Consultáu'l 4 d'abril de 2012. ISBN 978-0521299442.