Christopher Murney ye un actor d'Estaos Xuníos. Padre de la cantante y actriz Julia Murney.
Asistió a delles universidaes enantes consiguise graos n'alministración d'empreses y drama, y un títulu universitariu en Belles Artes en teatru de la Universidá Estatal de Pennsylvania.
Murney trabayó en teatru, televisión y cine. En televisión, fixo de Buck Miller na telenovela One Life to Live (en 1994 y 2001), interpretó a Buddy en The San Pedro Beach Bums (1977) y protagonizó les primeres trés temporaes de Remember WENN interpretando a Mackie Bloom. Nel cine, tuvo papeles en The Last Dragon (1985), Maximum Overdrive (1986), The Secret of My Success (1987), Loose Cannons (1990) y Barton Fink (1991). Interpretó a Hanrahan en Slap Shot (1977), onde-y da una paliza al personaxe de Paul Newman nel xelu.
Referencies
Enllaces esternos
Sitiu web oficial
Categoría:Actores y actrices d'Estaos Xuníos Categoría:Persones de Rhode Island