Kornephoros o Korneforos ye'l nome de la estrella β Herculis (β Her / 27 Herculis / HD 148856),bet Her -- Star (SIMBAD) de magnitú aparente +2,78 y la más brillosa de la constelación d'Hércules.
Nome
El nome de Kornephoros provién del griegu y significa «el portador del garrote».Kornephoros (Jim Kaler, Stars) Tamién recibe'l nome, menos utilizáu, de Rutilicus, que comparte cola estrella Zeta Herculis. Rutilicus vien de rutellum, diminutivu de rutrum, un preséu afiláu utilizáu na Antigua Roma na agricultura o na guerra, que Hércules lleva consigo en delles de les primeres representaciones.Kornephoros (The Fixed Stars)
Carauterístiques físiques
Kornephoros ye una estrella xigante mariella de tipu espectral G8III distante 148 años lluz del Sistema Solar, que la so temperatura superficial ye de 4967 K. La so lluminosidá ye 175 vegaes mayor que la lluminosidá solar y el so diámetru ye unes 20 vegaes mayor que'l del Sol. Tien una metalicidá inferior a la solar, siendo'l so conteníu relativo de fierro el 54% del que tien el Sol. Al igual qu'otres xigantes, xira amodo sobre sigo mesma, habiéndose midíu una velocidá de rotación proyeutada de 3,4 ± 1,0 km/s. Ye una fonte notable de rayos X, lo qu'implica cierta actividá magnética. Col triple de masa que'l Sol, la so edá envalórase nunos 440 millones d'años; empecipió la so vida siendo una estrella de tipu B similar a como ye güei Zubeneschamali (β Librae).
Kornephoros ye una estrella binaria que la so componente secundaria ye invisible, siendo detectada pol efeutu gravitatoriu qu'exerz sobre la estrella principal. La masa de la estrella acompañante probablemente ye daqué cimera a la del Sol.
Referencies
Categoría:Estrelles Categoría:Estrelles binaries Categoría:Constelación d'Hércules