El Shanghai World Financial Center (SWFC; en llingua china 上海环球金融中心) ye un rascacielos asitiáu nel distritu de Pudong de la ciudá china de Shanghai. Foi diseñáu por Kohn Pederson Fox y llevantáu pola constructora xaponesa Mori Building Company. Ye un rascacielu d'usu mixtu, qu'abelluga oficines, hoteles, sales de conferencies y miradores, amás de centros comerciales na so planta baxa. L'hotel, nomáu Park Hyatt Shanghai, ocupa los pisos que hai ente'l 79 y el 93. Ye, coles sos 174 habitaciones y suites, el segundu hotel más altu del mundu.
El rascacielos, acabáu el 14 de setiembre de 2007, tien 492,0 m d'altor. Foi, de la que lu acabaron, el segundu edificiu más altu del mundu y el más altu de los de la China continental. Abriose oficialmente'l 28 d'agostu de 2008, y tien un mirador, el más altu del mundu de la que se abriera, a 474 m del nivel del suelu. El so diseñu foi mui emponderáu, y ganó'l premiu al meyor rascacielos acabáu nel 2008Noticia de la eleición del SWFC como meyor rascacielos de 2008 na web de l'axencia de noticies Reuters. Pesie al so impresionante altor,ta previsto que seya superáu pola vecina Shanghai Tower, que ha acabase de construyir nel 2014. Esta, xunto col SWFC y el tamién vecín Jin Mao Tower, van formar el primer conxuntu mundial de trés rascacielos que superen los 400 m d'altor.
Galería de semeyes
Referencies
Enllaces esternos Páxina web oficial del Shanghai WFC El SWFC na base de datos de rascacielos del Conseyu d'Edificios Altos y Hábitat Urbanu (CTBUH)
Categoría:Rascacielos de China