Maximino Solís Lada , conocíu como L'Ayeranu, ye un cantante asturianu de tonada.
A los 18 años entamó con un tríu musical pelos pueblos y romerìes d'Ayer hasta que marchó a la mili. Nel añu 1965, tando trabayando en Serrapio, conoció a Ricardo Vázquez Prada, direutor del diariu Región qu'entamaba un concursu de canción asturiana. El periodista fizo-y una prueba y apuntólu pal concursu
A lo llargo de la so carrera Maximino ganó una buena riestra de concursos, destacando na interpretación d' ayeranes. Na XII edición del Concursu de la Canción Asturiana de les Mines, onde agora participa como xuráu, fízose col premiu de Campeón de campeones. Igualmente Maximino algamó'l primer premiu na primera edición d'esti concursu.
Nel añu 2007, el Centru Asturianu de Madrid dio-y el premiu del Urogallo de Bronce na so categoría de tonada.
Discografía I Encuentro de la canción asturiana. Esti discu ye'l resultáu del encuentru entamáu en Les Arriondes, nel añu 1989 y participen nél, ente otros, Horacio Huerta, Mari Celi Fernández, Socorro Noriega, Mari Luz Cristóbal Caunedo, José Manuel Collado, Josefina Argüelles.
Referencies
Enllaces esternos
Categoría:Cantantes d'Asturies Categoría:Cantantes de tonada Categoría:Persones d'Ayer