Pedro María Fernández-Villaverde y González del Valle (Uviéu, 1801- Madrid, 1855) Xurista, profesor universitariu, diputau y funcionariu asturianu que desarrolló una parte importante de la so trayectoria profesional entre España y Cuba.
Biografìa Cursó estudios de Derechu na Universidá d'Uviéu, onde consiguió la so formación xurídica. Un documentu conserváu nel Archivo Histórico Nacional confirma que yera natural d'Uviéu y que taba llicenciáu en Lleis pola universidá asturiana.
Na so mocedá treslladóse a La Habana, onde exerció como abogáu y desarrolló una carrera vinculada a l'alministración colonial. Llegó a ocupar el cargu de teniente gobernador y asesor xeneral de Gobiernu de La Habana. Al mesmu tiempu, tuvo vinculación cola enseñanza del Derechu y figura como catedráticu de Lleis de la Universidá d'Uviéu nos documentos oficiales de la época.
La so carrera política desarrollóse principalmente nes décades de 1830 y 1840. Foi diputáu a Cortes pola provincia d'Uviéu en distintos momentos y tamién representó a Pontevedra. La documentación de la época amuesa la so presencia nes Cortes y la so participación na vida política de la España isabelina. Foi miembru del Partido Moderado.
En 1846 foi nomáu subsecretariu del Ministeriu de la Gobernación de la Península, un cargu d'importancia dientro de l'alministración del Estáu. Un Real Decretu de 5 de mayu d'esi añu destaca los sos servicios y la so trayectoria anterior. La so actividá política y profesional llevólu a formar parte tamién de círculos de gran relevancia social y institucional. En 1839 foi reconocíu como caballeru de la Orde de Carlos III, según consta nel so expedientu conserváu nel Archivo Histórico Nacional.
Tuvo tamién importancia dientro de la historia familiar de la política española. Casóse con Hermógenes García-Rivero y Álvarez de Jove, y fueron padres de Raimundo Fernández Villaverde, nacíu en Madrid en 1848, que llegó a ser un destacáu políticu conservador y presidente del Conseyu de Ministros. La so figura ta tamién relacionada cola emigración asturiana a Cuba. Foi tíu y protector del empresariu asturianu Anselmo González del Valle y Fernández Roces, que marchó a Cuba na década de 1840.
Referencies El Tesoro de Oviedo Biografìas Asturias El Españolito: ESCRITORES Y ARTISTAS ASTURIANOS Semblanzas de los 340 diputados a Cortes/Pedro Fernández Villaverde Oviedo: Vivir Asturias
Categoría:Xuristes d'Asturies