Ángel o ÁnxelÁnxel García Peláez. "Ánxel de la Moría", n'asturies.com de la Moría o (Llanes, 19 d’agostu de 1858- Llanes, 15 d’agostu de 1895) nomatu lliterariu baxo el que se conoz a Ángel García Peláez, poeta y sacerdote asturianu. Ye consideráu ún de los poetes más importantes y representativos del asturianu oriental del sieglu XIX.
Biografía Cuando tenía dieciséis años, emigró pa México, como fixeron munchos asturianos de la so época. Ellí estudió nel seminariu y decidió dedicase al sacerdociu. Ordenóse sacerdote en 1891, nel Seminariu Diocesano de México D.F, y celebró la so primer misa’l 19 de marzu d’esi mesmu añu. Na so estancia en México, amás de la so actividá relixosa, dedicóse a la poesía y contribuyó a caltener ente los asturianos emigrantes les tradiciones, la cultura y la fala de la so tierra.
En 1891 volvió pa Llanes, onde exerció como sacerdote y participó activamente na vida cultural de la villa. Collaboró nel periódicu El Oriente de Asturias y fundó y dirixó La Ley de Dios. La so poesía carauterízase pola so naturalidá, la musicalidá de los versos y l’usu del asturianu oriental, con temes mui venceyaos a Llanes, a les sos xentes y a les tradiciones de la so tierra.
Ente les sos obres más conocíes tán El Pozu del Alloral, publicada en 1892 en collaboración con Pepín el Sardineru, y A teya vana, publicada en 1893. La so producción tamién inclúi Recuerdos de l’infancia y otros poemes publicaos en periódicos. Parte de la so obra foi recoyida dempués de la so muerte, como Recuerdos gratos, publicada en 1931. Morrió en Llanes con namás 36 años. A pesar de la so muerte temprana, dexó una importante güelga na lliteratura asturiana y ye recordáu especialmente como un de los grandes representantes de la poesía en fala oriental. La Moría ye’l barriu llaniscu onde se crió. El xesuita Enrique García Rendueles en Los nuevos bablistas améntalu como’l "primer autor de la variedá oriental del asturianu". Sicasí, Enriqueta González Rubín señala qu’hai otros autores anteriores.
Obres El pozu del alloral: polémica en bable llanisco (1892, con Pepín el Sardineru, Biblioteca Virtual del Principáu d'Asturies) A Teya Vana: versos en bable llanisco (1893, Biblioteca Virtual del Principáu d'Asturies) Poemes publicaos na Antoloxía Los Nuevos Bablistas (1925): Al "Carrocedo" (Proyectu Caveda y Nava) Noragüena (Proyectu Caveda y Nava)
Referencies
Biografías Asturias Araz Escritores: Ángel de la Moría Academic: Ángel de la Moría El poeta del amor a Llanes
Categoría:Persones de Llanes Categoría:Poetes d'Asturies Categoría:Escritores n'asturianu