Britney E. Schmidt , ye una científica planetaria, xeofísica y astrobióloga d'Estaos Xuníos, profesora d'astronomía y Ciencies de la Tierra y l'Atmósfera na Universidá Cornell. La so investigación céntrase nos ambientes xelaos, los océanos cubiertos de xelu y la busca de condiciones d'habitabilidá planetaria n'otros cuerpos del Sistema Solar, especialmente Europa, satélite de Xúpiter.Britney Schmidt, Cornell University.
Schmidt graduóse en física na Universidá d'Arizona y doctoróse en xeofísica y física espacial na Universidá de California en Los Angeles. Antes d'incorporase a Cornell foi profesora nel Institutu Tecnolóxicu de Xeorxa. Participó en misiones y proyectos de la NASA como Dawn y Europa Clipper, amás d'estudios conceptuales pa misiones destinaes a Europa y Encéladu.Britney Schmidt, Cornell Engineering.
El so equipu desarrolló Icefin, un vehículu robóticu submarín diseñáu pa explorar ambientes cubiertos de xelu. Esti sistema utilizóse na Antártida, incluyendo'l glaciar Thwaites, pa estudiar la interacción ente les plataformes de xelu y l'océanu. Estes investigaciones sirven tamién como análogu pa diseñar futures formes d'exploración de mundos oceánicos extraterrestres.ICEFIN, Planetary Habitability and Technology Lab.
En 2023 Schmidt y l'oceanógrafu Peter Davis fueron incluyíos na llista Time 100 poles sos investigaciones sobre'l glaciar Thwaites y la so relevancia pa comprender l'aumentu del nivel del mar.
Referencies
Enllaces esternos
Categoría:Científicos d'Estaos Xuníos Categoría:Xeofísicos Categoría:Astrobiólogos Categoría:Profesores de la Universidá Cornell