El teqball ye un deporte de pelota creáu n'Hungría que combina elementos del fútbol y el tenis de mesa. Xúgase sobre una mesa curva dixebrada por una estructura central ríxida y los participantes tienen que devolver la pelota ensin utilizar les manes nin los brazos.
El deporte foi creáu n'2012. Puede disputase individualmente, con dos xugadores, o por pareyes, con cuatro. Cada participante o pareya puede tocar la pelota un máximu de tres veces antes de devolvela y nun puede utilizar la mesma parte del cuerpu dos veces consecutives.«Teqball», Fédération Internationale de Teqball.
Los partíos dispútense al meyor de tres sets y cada set xúgase hasta los doce puntos. El reglamentu prohibe'l contautu físicu ente los adversarios y tamién el contautu de los participantes cola mesa mientres el xuegu.«Rules of the game», Fédération Internationale de Teqball.
La Fédération Internationale de Teqball (FITEQ) ye l'organismu responsable de la regulación y promoción internacional de la disciplina. La federación organiza campeonatos mundiales y caltién un sistema de clasificación internacional, amás d'agrupar federaciones nacionales de distintos continentes.«What we do», FITEQ.
Referencies
Enllaces esternos
Categoría:Deportes de pelota Categoría:Deportes individuales Categoría:Deportes d'equipu Categoría:Deporte n'Hungría