General Watch Co., abreviada GWC, foi un holding suizu creadu pa agrupar fabricantes de reloxes controlaos por ASUAG (Allgemeine Schweizerische Uhrenindustrie AG). La compañía constituyóse a principios de la década de 1970 nel procesu de concentración de la reloxería suiza.
ASUAG fuera creada en 1931 cola participación del Gobiernu y de bancos suizos pa estabilizar una industria reloxera afectada pola Gran Depresión. El grupu foi incorporando fabricantes de movimientos, componentes y reloxes terminaos, y les empreses dedicaes a estos últimos acabaron agrupándose en General Watch Co.
En distintos momentos quedaron vinculaes a GWC marques como Certina, Longines, Mido, Rado, Hamilton, Eterna, Oris, Edox y Technos, anque delles d'elles abandonaron posteriormente'l grupu.
La crisis del cuarzu agravó los problemes financieros de la industria suiza na década de 1970 y primeros años de 1980. En 1983, ASUAG fusionóse con SSIH, grupu al que pertenecíen Omega y Tissot, creando ASUAG-SSIH. La reorganización posterior dio llugar a SMH y, finalmente, a The Swatch Group.
Referencies
Enllaces esternos Historia de The Swatch Group
Categoría:Empreses reloxeres de Suiza Categoría:Empreses desapaecíes de Suiza Categoría:The Swatch Group