Cinnamoroll ye un personaxe ficticiu creáu pola empresa xaponesa Sanrio y diseñáu por Miyuki Okumura. Los primeros productos del personaxe comercializáronse en 2002. Ye un pequeñu perru blanco con grandes oreyes, güeyos azules y una cola asemeyada a un rollu de canela.
Según la historia oficial de Sanrio, Cinnamoroll nació sobre les nubes y llegó volando hasta'l Café Cinnamon. La propietaria del establecimientu adoptólu y llamólu Cinnamon pola forma espiral de la so cola. Les grandes oreyes del personaxe permíten-y volar.
Cinnamoroll forma parte d'un grupu de personaxes que tamién inclúi a Cappuccino, Chiffon, Espresso, Mocha y Milk. La franquicia espandióse a papelería, juguetes, llibros, animación y videoxuegos.
Col pasu de los años convirtióse nún de los personaxes más populares de Sanrio y ocupó repetidamente posiciones destacaes na votación anual de popularidá organizada pola empresa.
Referencies
Enllaces esternos Cinnamoroll en Sanrio
Categoría:Perros ficticios Categoría:Personaxes de ficción