Remus John Lupin ye un personaxe ficticiu de la serie Harry Potter, creada por J. K. Rowling. Ye un magu y home llobu que foi profesor de Defensa contra les Artes Escures en Hogwarts y miembru de la Orde del Fénix. Apaez per primer vegada en Harry Potter and the Prisoner of Azkaban (1999).J. K. Rowling, Harry Potter and the Prisoner of Azkaban, Bloomsbury, 1999.
Lupin convirtióse n'home llobu cuando yera neñu tres ser mordíu por Fenrir Greyback. Albus Dumbledore permitió-y estudiar en Hogwarts y estableció midíes pa que pudiera tresformase ensin poner en peligru al restu del alumnáu. Na escuela foi amigu de James Potter, Sirius Black y Peter Pettigrew, formando con ellos los Merodeadores.
Como profesor, Lupin conviértese n'ún de los docentes más apreciaos por Harry y enséña-y a producir un Patronus pa defenderse de los dementores. Al final del cursu abandona Hogwarts cuando se fai pública la so condición de licántropu.J. K. Rowling, Harry Potter and the Prisoner of Azkaban, Bloomsbury, 1999.
Más tarde reincorpórase a la Orde del Fénix y participa na guerra contra Lord Voldemort. Casa con Nymphadora Tonks y tienen un fíu, Teddy Lupin. Dambos muerren na batalla de Hogwarts en Harry Potter and the Deathly Hallows.J. K. Rowling, Harry Potter and the Deathly Hallows, Bloomsbury, 2007.
Na serie cinematográfica foi interpretáu por David Thewlis.
Referencies
Enllaces esternos
Categoría:Personaxes de Harry Potter