Un UCI Women's ProTeam ye un equipu profesional femenín de ciclismu en ruta perteneciente a la segunda categoría del sistema internacional establecíu pola Unión Ciclista Internacional (UCI), per debaxo de los UCI Women's WorldTeam y per enriba de los UCI Women's Continental Team. La categoría creóse pa la temporada 2025 como parte del procesu de profesionalización del ciclismu femenín.The UCI takes decisions in favour of the professionalisation of women's cycling, and commits to a fairer and safer sport — Unión Ciclista Internacional (n'inglés).
La creación de la categoría anunciárase inicialmente pa 2026, pero la UCI decidió adelantala un añu pola evolución del ciclismu profesional femenín. Cola so introducción, los equipos femeninos pasaron a estructurase en tres niveles comparables a los esistentes nel ciclismu masculín: WorldTeams, ProTeams y Continental Teams.The UCI takes decisions in favour of the professionalisation of women's cycling, and commits to a fairer and safer sport — Unión Ciclista Internacional (n'inglés).
Los UCI Women's ProTeams tienen consideración d'equipos profesionales y rexístrense direutamente na UCI. El procesu de rexistru inclúi la revisión de criterios éticos, financieros y alministrativos y cuenta cola supervisión d'un auditor esternu designáu pola federación internacional.Registration of UCI professional teams for the 2025 season — Unión Ciclista Internacional (n'inglés).
La normativa introducida pa la categoría estableció que les corredores tuvieren una rellación llaboral a tiempu completu y un salariu mínimu añal, fijáu inicialmente en 20.000 euros pa la temporada inaugural.The UCI publishes the 2025 UCI Women's WorldTour and UCI WorldTour calendars — Unión Ciclista Internacional (n'inglés). Na primer temporada, la UCI rexistró siete equipos nesta categoría.Registration of UCI professional teams for the 2025 season — Unión Ciclista Internacional (n'inglés).
Los UCI Women's ProTeams pueden participar nes pruebes del calendariu internacional y acceder mediante invitación a determinaes carreres del UCI Women's WorldTour, de conformidá cola normativa de participación de la UCI y les places disponibles en cada competición.
Ver tamién UCI Women's WorldTeam UCI Women's Continental Team UCI Women's WorldTour UCI ProTeam Ciclismu femenín
Referencies
Enllaces esternos Equipos de ciclismu en ruta — Unión Ciclista Internacional (n'inglés)
Categoría:Equipos ciclistes Categoría:Ciclismu femenín Categoría:Ciclismu en ruta Categoría:Categoríes deportives creaes en 2025