La Clasificación Internacional d'Atención Primaria (CIAP; n'inglés, International Classification of Primary Care, ICPC) ye un sistema de clasificación utilizáu pa codificar información clínica nel ámbitu de l'atención primaria y la medicina de familia. Permite rexistrar motivos de consulta, problemes de salú, diagnósticos ya intervenciones dientro d'un episodiu d'atención.
La clasificación foi desarrollada pola World Organization of Family Doctors (WONCA) pa responder a les necesidaes específiques de la práctica clínica primaria, onde son frecuentes síntomas y motivos de consulta que nun pueden clasificase inmediatamente como una enfermedá concreta. La primer versión publicóse en 1987 y posteriormente desenvolvióse la segunda edición, conocida como ICPC-2.
ICPC-2 presenta una estructura biaxial con 17 capítulos identificaos principalmente por sistemes corporales y siete componentes funcionales. Estos componentes permiten codificar síntomas y quexes, procedimientos diagnósticos y preventivos, tratamientos, resultaos de pruebes, cuestiones alministratives, derivaciones y diagnósticos o enfermedaes.
La Organización Mundial de la Salú aceptó ICPC-2 dientro de la familia de clasificaciones internacionales de la OMS principalmente como clasificación de los motivos de consulta. Puede emplegase en combinación con sistemes más amplios como la Clasificación Internacional d'Enfermedaes y facilita l'analís de los procesos asistenciales y de la morbilidá na atención primaria.
Ver tamién Atención primaria Medicina de familia Clasificación Internacional d'Enfermedaes Organización Mundial de la Salú
Referencies
Enllaces esternos International Classification of Primary Care — Organización Mundial de la Salú (n'inglés)
Categoría:Clasificaciones médiques Categoría:Atención primaria Categoría:Medicina de familia