Optimus, conocíu inicialmente como Tesla Bot, ye un robot humanoide bípedu de propósitu xeneral en desenvolvimientu pola empresa d'Estaos Xuníos Tesla, Inc.. El proyeutu anuncióse nel Tesla AI Day del 19 d'agostu de 2021 y el primer prototipu funcional presentóse públicamente nel segundu AI Day de la compañía, el 30 de setiembre de 2022.Reuters, «Tesla's robot waves but can't walk, yet. Musk plans to make millions of them», 1 d'ochobre de 2022.
Tesla plantega Optimus como un robot autónomu capaz de realizar xeres «peligroses, repetitives o aburríes». El desenvolvimientu combina locomoción bípeda con sistemes de visión artificial, planificación de movimientos, percepción, navegación y manipulación del entornu.Tesla, «AI & Robotics», Tesla. La compañía pretende aprovechar nesti campu parte de la infraestructura d'intelixencia artificial, computación y entrenamientu desarrollada pa los sos vehículos.
El prototipu de 2022 pudo caminar ensin soporte sobre l'escenariu, mover los brazos y saludar, y Tesla amosó grabaciones d'un prototipu realizando xeres como mover caxes, manipular componentes y regar plantes. En avientu de 2023 presentó Optimus Gen 2, una versión con actuadores y sensores desarrollaos por Tesla, menor pesu, mayor velocidá de marcha, pescuezu articuláu y unes manes con mayor capacidá de manipulación.Tesla, «Optimus – Gen 2», 13 d'avientu de 2023.
Optimus sigue siendo un proyeutu en desenvolvimientu. Tesla presenta como oxetivu final la construcción d'un robot humanoide autónomu y multifuncional capaz d'interactuar col mundu físicu y realizar tanto trabayos industriales como xeres cotidianes. Les demostraciones públiques del robot tuvieron una amplia repercusión y fueron acompañaes de debate sobre'l grau d'autonomía real de los prototipos y sobre los plazos anunciaos pola compañía pa la so fabricación a gran escala.
Referencies
Enllaces esternos
Categoría:Robots humanoides Categoría:Tesla