2126 (MMCXXVI) va ser un añu normal entamáu en martes nel calendariu gregorianu.
Fechos previstos
Fecha por determinar
Ta prevista una nueva apaición nel sistema solar interior del cometa 109P/Swift-Tuttle, cuerpu progenitor de la lluvia de meteoros de les Perseides. El cometa tien un periodu orbital d'alredor de 133 años y la NASA prevé que vuelva ser visible en 2126. Ta prevista l'apertura de la cáusula del tiempu de la Sociedá Internacional de Mecánica de Suelos ya Inxeniería Xeotéunica (ISSMGE), concebida pa ser sellada en 2026 y abierta cien años dempués, como parte d'un proyeutu sobre'l patrimoniu y el futuru de la inxeniería xeotéunica. Ta prevista l'apertura d'una cáusula del tiempu promovida pola Universidá de Reading, nel Reinu Xuníu, con aportaciones sobre'l futuru de l'agricultura recoyíes en 2026 y destinaes a permanecer ensin abrir durante cien años.
Fenómenos astronómicos
7-8 d'abril: va producise un eclís llunar total, visible dende zones d'Europa, Asia, Australia, África, Norteamérica y los océanos Pacíficu, Atlánticu ya Índicu. La fase de totalidá va durar unos 42 minutos. 22 d'abril: va producise un eclís solar anular, visible de forma parcial dende gran parte d'América del Sur, l'Antártida y zones de los océanos Pacíficu ya Atlánticu. 1-2 d'ochobre: va producise un eclís llunar parcial, visible dende zones d'Europa, Asia, Australia, África, les Amériques y gran parte de los océanos Pacíficu, Atlánticu ya Índicu. 16 d'ochobre: va producise un eclís solar total, visible de forma parcial dende zones d'Europa, Asia y el norte y este d'África. La franxa de totalidá va atravesar, ente otros territorios, zones de Finlandia, Estonia, Kazakhstan y China, y la duración máxima de la totalidá va ser d'alredor de 4 minutos.
Efemérides destacaes
16 de marzu: va cumplise'l bicentenariu del primer llanzamientu con ésitu d'un cohete de combustible líquidu, realizáu por Robert H. Goddard n'Auburn, Massachusetts, en 1926, un fítu fundamental nel desenvolvimientu de la cohetería moderna y de la posterior esploración espacial.
Referencies
Enllaces esternos
Categoría:Sieglu XXII Categoría:Años futuros