L'Euskal Herriko Kontseilu Sozialista o EHKS (n'asturianu «Conseyu Socialista d'Euskal Herria») ye una organización política comunista vasca que forma parte del Movimientu Socialista. Exerz de direición política , referente y vocera del conxuntu del Movimientu Socialista nel País Vascu.
Hestoria
Antecedentes
En 2018, Ikasle Abertzaleak, hasta entós sindicatu estudiantil de la esquierda abertzale, dixébrase d'Ernai y la redolada de la esquierda independentista vasca. A lo llargo de los siguientes años fórmense nueves organizaciones y ferramientes alredor de la organización estudiantil, como GKS y GEDAR, dando forma a lo que vendría denominase Movimientu Socialista del País Vascu.
Formación del Conseyu Socialista de Euskal Herria El 16 d'avientu de 2023, cuntando yá con una amplia rede d'organizaciones, preséntase nel frontón Astelena de Éibar el Conseyu Socialista de Euskal Herria, anunciando que va actuar como referente y direición política del conxuntu del movimientu. Amás, presenten la Nueva Estratexa Socialista, na que definen la estratexa que va emponer al Movimientu Socialista .
El 1 de mayu de 2024, EHKS entamó en Bilbao la so primera gran manifestación, rexuntando a miles de persones. La marcha partió dende el Sagráu Corazón y remató na Plaza del Gas, onde llevóse a cabu un curtiu actu. Esti eventu tuvo como oxetivu impulsar una "nueva fase política" col oxetivu de construyir un partíu comunista con espansión territorial y la creación d'instituciones empobinaes a los intereses de los trabayadores. Nel so comunicáu, EHKS reivindicó el poder obrero internacional frente a la guerra y l'austeridá, y criticó a partíos como PNV y EH Bildu, calificándolos de "formaciones burgueses". Amás, sorrayaron la necesidá de construyir el poder de la clase trabayadora fuera de les instituciones tradicionales, asumiendo el legáu del movimientu obreru revolucionariu y abogando pola amnistía de los militantes encarcelaos. Mientres l'actu, los dirixentes de EHKS señalaron que la guerra a gran escala ta convirtiéndose nun escenariu real para les oligarquíes occidentales, mentando el rearmamientu promovido pola OTAN y l'Unión Europea . Criticaron tamién la medría del gastu militar mientres el gobiernu de PSOE y Sumar, y denunciaron el sofitu occidental al Estáu d'Israel nel conflictu con Palestina .
Organización territorial EHKS enllántase territorialmente nel territoriu vascu al traviés de los Conseyos Socialistes Comarcales. Estes divisiones territoriales tienen como fin la intervención política nos aspeutos xenerales de la vida del proletariáu nun determináu territoriu . Al traviés d'estos Conseyos Socialistes xestiónense otros preseos d'intervención política como el Sindicatu Socialista de Vivienda, les redes de autodefensa llaboral, etc.
Enagora estos son los Conseyos Socialistes operativos hasta el momentu :
Conseyu Socialista de Bilbo Conseyu Socialista d'Ezkerraldea Conseyu Socialista d'Uribekosta Conseyu Socialista d'Hegouribe Conseyu Socialista de Busturialdea Conseyu Socialista de Gazteiz Conseyu Socialista d'Iruñaldea Conseyu Socialista de Donostia Conseyu Socialista d'Urolakosta Conseyu Socialista d'Urola Erdia Conseyu Socialista de Tolosaldea Conseyu Socialista d'Ipar Euskal Herria Conseyu Socialista de Goierri Conseyu Socialista de Bidasoa Conseyu Socialista d'Oarsoaldea Conseyu Socialista de Larraunaraitz Conseyu Socialista de Llea Conseyu Socialista de Lizarraldea Conseyu Socialista de Buruntzaldea Conseyu Socialista de Durangaldea Conseyu Socialista de Debabailera
Espacios baxu control obreru EHKS y les sos delegaciones territoriales xestionen y controlen los denominaos Centros Socialistes. Estos espacios, consiguíos en mayor midida al traviés de la espropiación, ponense a disposición del proyectu socialista y de la comunidá. Tal que los definía un militante, los centros socialistes son sedes polítiques y sociales del movimientu socialista
Vease tamién
Movimientu Socialista Gazte Koordinadora Sozialista Ikasle Abertzaleak
Referencies
Categoría:Partíos políticos de Navarra Categoría:Partíos políticos del País Vascu Categoría:Movimientu Socialista Categoría:Organizaciones Comunistes