El llobu cerval canadianu, de nome científicu Lynx canadensis, ye una especie de mamíferu carnívoru de la familia Felidae, una de los dos especies de linces qu'habiten n'América del Norte. La otra ye'l llobu cerval bermeyu (Lynx rufus), que s'atopa al sur del continente. El llobu cerval canadianu, otra manera, habita más al norte, na taiga de Canadá y Alaska, anque tamién s'atopa nos montes d'Idaho, Montana y Washington y de forma más rara en Utah, Minnesota y Nueva Inglaterra. El so pariente más cercanu ye'l llobu cerval euroasiáticu (Lynx lynx), anque puede cruciase con ésitu con cualesquier de los otros trés especies del xéneru Lynx.
El llobu cerval canadianu sumió o amenorgó les sos poblaciones en dellos llugares por cuenta de la caza pa consiguir la so preciada piel o a la destrucción del so hábitat. Sicasí, nun se considera qu'esta especie tea en peligru na actualidá.
Galería
Referencies
Categoría: Fauna d'América