El Muséu prerrománicu de Santianes ye un muséu asitiáu nel conceyu de Pravia, na parroquia de Santianes, n'Asturies.
Amuesa los oxetos d'arte asturianu atopaos mientres la restauración de la ilesia de San Xuan Apóstol y Evanxelista, ya ilustra la hestoria de la monarquía asturiana.
El muséu permanez abiertu dende xunetu a setiembre les fines de selmana y mientres la Selmana Santa.
Foi inauguráu'l día 15 de xunetu de 2007 y ocupa l'antigua casa rectoral del pueblu.
Cadarma El muséu consta de dos plantes con distintes estancies en caúna d'elles, totalizando más de 200 m² d'esposición.
Na primera sala de la primer planta puede contemplase un fragmentu de la piedra llaberíntica, xunto con una interpretación de la totalidá de la mesma, sigún una cronoloxía de tolos reis d'Asturies que teníen establecida la so corte en Santianes.
Siguiendo'l percorríu pola planta, na siguiente estancia apréciase un candelabru y una llábana que reproduz lo que pudo ser el Palaciu del Rei Silu, too acompañáu de murales esplicativos del orixe d'estes pieces.
Na última sala, la de mayores dimensiones, esplícase la importancia'l templu de la localidá, la ilesia más antigua del prerrománicu asturianu y tumba de reis.
La segunda planta del muséu cunta con una esposición sobro les distintes ilesies prerromániques. Cuenta igualmente con una sala audiovisual onde s'emite un vídeu sobro los reis asturianos y la dómina del arte asturianu.
Na última planta esiste una zona acristalada con vistes a la ilesia de Santianes, al ríu Nalón, al pueblu de Peñaullán y a la so vega; igualmente esti espaciu cunta con unos murales esplicativos de toles fases de rehabilitación que sufrió l'hestóricu templu en dómines pasaes.
Pieces espuestes Les principales pieces espuestes son:
Cruz y la piedra llaberíntica del rei Silu (Silu Princeps Fecit). Artesanía visigodo varia. Restos pétreos atopaos na ilesia de San Xuan. Ente éstos sobresalen l'altar y les plaques del canciellu.
Enllaces esternos
Páxina del Conceyu Federación Asturiana de Conceyos Páxina oficial del muséu
Categoría:Arte asturianu Categoría:Pravia Categoría:Museos d'Asturies