Carolina del Castillo y Díaz foi una pintora asturiana, una de les primeres que destacó na pintura n'Asturies nel primer terciu del . Foi precursora de la pintura femenina asturiana al pie de Julia Alcayde Montoya, Concha Mori, Obdulia García y María Galán Carvajal. Perteneció a la Asociación Española de Pintores y Escultores (AEPE) dende los sos principios y anovó introduciendo la tema de desnudu nos sos cuadros.
Biografía Nació nel senu d'una familia burguesa y acomodada. Fía del inxenieru Xustu del Castillo Quintana y de Carolina Díaz de Calderón y Cifuentes. Contraxo matrimoniu col médicu militar Gonzalo del Campu y del Castillo, el 28 de xunetu de 1890, con quien tuvo seis fíos. Dende neña sintióse atraida pola pintura, el dibuxu y la música, anque nun foi hasta el maduror de la so vida cuando s'entornó de llenu nel arte. Tres el fallecimientu del so fíu Felipe en 1906 y de la so fía Margarita trés años dempués, la pintura convirtiose nun abelugu para l'artista y empezó a recibir clases del pintor José Nicolau Huguet, coincidiendo cola muerte del primeru. izquierda|miniaturadeimagen|350x350px|L'artista copiando el Mercuriu y Argos de Velázquez, nel Muséu del Prau Participó nes Esposiciones Nacionales de 1908, 1910. y 1912, llogrando "Mención honorífica" na Esposición Nacional de Belles Artes de Madrid en 1908, cola obra "L'alma de la casa". Ese mesmu añu tamién s'alza cola "Medaya de plata" nel Certame dedicáu al "Primer Centenariu de los sitios de Zaragoza" y al añu siguiente llogra a la "Medaya de cobre" en "La Esposición Rexonal Gallega" de 1909, celebrada en Santiago de Compostela. Viaxó frecuentemente a Madrid y frecuentó el Muséu del Prado, onde copió a los grandes maestros, sobre manera a Velázquez. Roblaba nesta dómina les sos obres col pseudónimu KROL-INA. A partir de 1914 la familia va treslladar la so residencia a Madrid, onde vivió na cai Fuencarral, númberos 74-76. Y en 1920 participó na esposición del Primer Salón de seronda que se celebró nesta ciudá del 15 d'ochobre al 5 d'avientu, nel Palaciu de Cristal del Parque del Retiru de Madrid con trés obres: semeya, crisantemos y apunte. Y nel Tercer Salón de Seronda vuelve allegar, participando con dos semeyes y un bodegón. Del Castillo recibió clases del pintor Cecilio Pla nel estudiu que'l maestru tenía na cai San Marcos, siendo compañera de Panchu Cossío y un bien nuevu Mariano Moré, ente otros. De manera gradual la so pintura foise tresformando escontra un mayor cromatismu y pincelada impresionista. Nesta dómina yá nun utilizaba pseudónimu sinón que roblaba los sos cuadros col so nome completu. Carolina del Castillo formó parte de la élite intelectual de la dómina y Aniceto Palma, Ventura Álvarez Sala, o Juan Martínez Abades fueron asíduos de les conxustes que realizaba na so casa. En 1927 tornó definitivamente cola so familia a Xixón, onde morrió el 24 d'ochobre de 1933.
Estilu y obres alt=oleo sobre lienzo|derecha|miniaturadeimagen|483x483px|"Dña. Carolina trabayando nel so Xalé de Xixón" Carolina del Castillo foi una notable retratista, encetando con frecuencia tarrezas infantiles. Anque cultivó otres temes como el paisaxe y el bodegón. Les sos semeyes caracterizáronse por representar la redolada emocional de los sos personaxes con almirable habilidá y foi la primer muyer asturiana que s'atrevió a pintar modelos desnudes. Nos sos cuadros quixo afigurar lo instantáneo con una téunica impresionista, de pintura rápida, dacuando utilizando directamente los tubos, ensin pincel nin espátula, centrándose no que quier afigurar y dexando dacuando ensin pintar delles zones del llenzu. El so estilu foi evolucionando dende les sos primeres obres más clásiques, que provienen d'una formación apegada a los cánones de la figuración tradicional del so maestru José Nicolau Huguet, a un estilu personal, rápido y de riqueza cromática, de postulaos impresionistes a partir del so contactu con Cecilio Pla.
Esposiciones
1908: Esposición d'Autorretratos de Barcelona. 1908, 1910 y 1912: Esposición Nacional de Belles Artes de Madrid. 1909: Esposición Rexonal Gallega. 1916: Esposición d'artistes asturianos, Uviéu. 1920 y 1921: Salón de Seronda. Madrid.
Homenaxes En Xixón hai una cai col so nome.
1967: Homenaxe nel centenariu de la so nacencia . Atenéu Obreru de Xixón. 1977: #Exposición #Homenaje. Muséu de Xixón Casa Natal de Xovellanos. 1986: #Exposición #Homenaje. Muyeres artistes asturianes. Muséu de Belles Artes d'Uviéu. 2021: “Carolina del Castillo y Díaz (1867-1933): xuna pintora asturiana tresgresora”. Conceyu Mieres. Asturies.
Obra n'instituciones Muséu Xovellanos de Xixón Conceyu de Xixón Muséu de Belles Artes d'Asturies n'Uviéu Universidá d'Uviéu
Bibliografía Alpieri, Víctor. (1977). Pintores asturianos. Julia Alcayde y Carolina del Castillo". Uviéu: Banco Herrero Rollá, Jaime (1977). Monografíes de pintores asturianos, Carolina del Castillo. N.º 9. Xixón: Conceyu de Xixón Fernández Fernández, María Teresa (2004). La muyer y l'arte n'Asturies mientres el sieglu XX. Uviéu: Institutu asturianu de la muyer. p. 19-21
Referencies
Categoría:Artistes d'España Categoría:Pintores d'Asturies