Academia del Aragonés (; ACAR) oficialmente Estudiu de Filoloxía Aragonesa (n'aragonés y ; EFA) ye una asociación creada el 15 de xunetu de 2006 nel II Congresu d'Aragonés coles mires de ser l'autoridá llingüística del idioma aragonés. Nun tien reconocencia esplícita per parte del gobiernu d'Aragón, y la so forma xurídica ye la d'una asociación cultural.
El so primer Conseyu de Gobiernu celebróse el 28 d'ochobre de 2006 na diputación provincial de Zaragoza, estableciéndose el primer gobiernu de l'Academia con Manuel Castán Espot como presidente.
Delles actividaes de l'Academia son formular lleis ortográfiques, gramátiques y fonétiques pa toles modalidaes del aragonés, tratando de normalizar l'idioma, pero defendiendo de la mesma les sos variedaes dialectales.
L'Academia del Aragonés publica y caltien el Diccionario Multilingüe Aragonés (DicAra), que contien traducciones al castellán, al catalán y al inglés d'unos 90 000 lemas.
La so Propuesta ortográfica de l'Academia de l'Aragonés, publicada en 2010, goció de gran adopción per parte del públicu hasta la estandarización de 2023 pola oficial Academia Aragonesa de la Llingua, constituyida siete años dempués que l'Academia del Aragonés. La promulgación de la ortografía nueva causó que l'Academia del Aragonés optara por arrenunciar a la so propuesta y actualizara los sos compendios léxicos a la norma de l'Academia Aragonesa de la Llingua.
La organización edita la colección de publicaciones dixitales EDACAR (Edicions Dichitals de l'Academia de l'Aragonés), onde's publican, en formatu dixital y de llibre distribución, ensayos, artículos y monografíes sobro l'aragonés.
Referencies
Bibliografía
Enllaces esternos
Categoría:Idioma aragonés Categoría:Cultura d'Aragón Categoría:Academies llingüístiques