Marc Leland Greenberg ye un llingüista y eslavista d'Estaos Xuníos, meyor conocíu poles sos contribuciones a la llingua eslovena particularmente a la variedá del nordeste, la llingua prekmura.
Biografía Marc L. Greenberg nació en California. Recibió la so llicenciatura en lliteratura rusa en 1983 na Universidá de California en Los Angeles, graduándose magna cum laude. Al añu siguiente llogró'l so máster en llingüística eslava comparada na Universidá de Chicago y tornó a la Universidá de California pa completar el so doctoráu, centrándose na acentoloxía histórica y dialectoloxía eslava.
Mientres la década de 1980, Greenberg viaxó per Europa Oriental. Con una beca adicional del Departamentu d'Educación de los Estaos Xuníos, Greenberg completó'l trabayu de campu pal so alderique en Yugoslavia ente 1988 y 1990. La so tesis, A Historical Analysis of the Phonology and Accentuation of the Prekmurje Dialect of Slovene, valió-y el doctoráu en 1990.
Greenberg foi profesor nel Departamentu de Llingües y Lliteratures Eslaves de la Universidá de Kansas dende 1990, desempeñándose como'l so presidente dende 2000 hasta 2011. Tres una ampliada y revisión, la so tesis publicóse como llibru en 2000 col títulu A Historical Phonology of the Slovene Language.
Amás del so trabayu llingüísticu habitual, Greenberg fundó dos revistes científiques, Slovenski jezik/Slovene Linguistic Studies y Slavia Centralis, y presidió'l conceyu executivu de la Slavic Linguistics Society.
En 2021, Greenberg publicó una traducción y ampliación del llibru n'húngaru d'Avgust Pavel, Vend nyelvtan, una gramática de 1942 del idioma prekmuru.
Amás d'eslovenu, Greenberg fala croata, checu, prekmuru antiguu y rusu, idiomes qu'aprendió antes d'aprender eslovenu. Tamién puede lleer y caltener conversaciones llindaes n'albanés, alemán, francés, italianu, turcu y xudeoalemán.
Amás de los sos esfuerzos llingüísticos, Greenberg ye un músicu multiinstrumentista que toca la guitarra clásica, la guitarra rusa y el llaúd n'espectáculos per Estaos Xunios y Europa.
Referencies
Enllaces esternos
Categoría:Profesores d'Estaos Xuníos Categoría:Llingüistes d'Estaos Xuníos Categoría:Traductores d'Estaos Xuníos Categoría:Transmurania