Los Mármoles d'Elgin son una coleición d'escultures de l'Antigua Grecia procedentes del Partenón y otros edificios de l'Acrópolis d'Atenes, de los que fueron retiraos na entóncenes Grecia Otomana a principios del sieglu XIX y posteriormente unviaos a Inglaterra en barcu por axentes de Thomas Bruce, 7u conde d'Elgin. Allúguense anguaño nel Muséu Británicu de Londres. La mayoría de les escultures foron creaes nel sieglu V e.C. embaxu la dirección del escultor ya arquitectu Fidies. miniaturadeimagen|375x375px|Los mármoles d'Elgin nel Muséu Británicu. El nome refiérese namái a los mármoles que s'amuesen nel Muséu Británicu. Úsase'l términu Mármoles del Partenón o Escultures del Partenón pa facer referencia al conxuntu d'escultures (frisu, metopes y frontones) procedentes d'esi edificiu y qu'anguaño alcuéntrense espardíos por varies coleiciones, principalmente nel Muséu Británicu y nel Muséu de l'Acrópolis d'AtenesJenkins, Ian (1994). The Parthenon Frieze, p. 325. London: British Museum Press. ISBN 978-0-7141-2200-7..
Ente 1801 y 1812 los axentes d'Elgin retiraron alredor de la metá de les esculturas qu'había naquel momentu nel Partenón, y tamién otres del Erecteón, el Templu d'Atenea Niké y los Propileos, y unvioles a Inglaterra col envís d'establecer un muséu priváu. Magar qu'Elgin dixo que retiró les escultures col permisu de los funcionarios otomanos qu'exercíen l'autoridá n'Atenes naquel tiempuGreat Britain. Parliament. House of Commons. Report from the Select Committee of the House of Commons on the Earl of Elgin's Collection of Sculptured Marbles. Londres, 1816, W. Bulmer and Co., la llegalidá de les sos aiciones tien sio percuestionada.
La presencia de los mármoles nel Muséu Británicu tien sío oxetu, demientres abondos años, de discutiniu internacional. En Gran Bretaña, dellos sofitaron l'adquisición de la coleición, mentantu qu'otros, como Lord Byron, consideraron l'actuación d'Elgin daqué comparable al vandalismu o a un saquéuBeard, Mary (2002). The Parthenon, p. 11-15. London: Profile Books. ISBN 186197292X. Una investigación parllamentaria británica de 1816 concluyó qu'Elgin alquiriera les escultures llegalmente. Elgin vendió-yles al gobiernu británicu esi mesmu añu, que los dio en fideicomisu al Muséu Británicu. En 1983 el gobiernu griegu pidió formalmente al británicu la devolución de les pieces, y elevó la disputa a la UNESCO. Neto'l Muséu Británicu qu'el gobiernu británicu refugaron la oferta de mediación de la UNESCO. En 2021 esta institución encamentó al gobiernu británicu a que resolviera la cuestión de gobiernu a gobiernu, tratando directamente col grieguUNESCO. (2021, 29 de setiembre). Intergovernmental Committee for Promoting the Return of Cultural Property to its Countries of Origin or its Restitution in Case of Illicit Appropriation. UNESCO..
El gobiernu griegu, y les persones ya instituciones que sofiten la vuelta de los mármoles a Grecia, argumenten que foron conseguíos de forma illegal o al menos poco ética, que tienen una importancia cultural esceicional pa Grecia, y que'l so valir cultural apreciarase meyor si son exhibíos de forma conxunta col restu de les antigüedaes del Partenón que s'alcuentren nel Muséu de l'Acrópolis. El gobiernu británicu, pela so parte, argumenta que la so compra foi llegal, que la so devolución sentaría un precedente que podría perxudicar les coleiciones de los principales museos del mundu, y que la so exhibición nel Muséu Británicu permite aprecialos meyor porque los contestualiza con otres grandes cultures antigües y, poro, complementa la perspectiva que proporciona la exhibición del Muséu de l'Acrópolis. El discutiniu ente los dos gobiernos sigue abiertuReuters. (2023, 4 de xunu). British Museum says in 'constructive' discussions over Parthenon marbles. Reuters..Seddon, S. [Sean], y Koukoumakas, K. [Kostas]. (2024, 3 d'avientu). Parthenon Sculptures deal 'close', ex-Greek official says. BBC News.
Referencies Categoría:Grecia antigua Categoría:Museos Categoría:Escultura