Law & Order: Criminal Intent ye una serie de televisión d'Estaos Xuníos de drama policial ambientada en Nueva York, onde tamién se produció principalmente. Creada y producida por Dick Wolf y René Balcer, la serie estrenóse'l 30 de setiembre de 2001 como la tercer entrega na esitosa franquicia Law & Order de Wolf. Criminal Intent céntrase nes investigaciones del departamentu de casos especiales nuna versión ficticia del Departamentu de Policía de Nueva York con sede en One Police Plaza. Siguiendo l'estilu de la Law & Order orixinal, los episodios suelen tar "sacaos de los titulares" o basase llixeramente en crímenes reales que recibieron atención mediática.
La serie emitióse en NBC les seis primeres temporaes, pero foi treslladada a la USA Network (propiedá de NBCUniversal) a partir de la séptima temporada pa compartir costes y pola baxada d'audiencia. Durante la so etapa en NBC, cada episodiu emitíase n'USA la selmana siguiente a la so emisión orixinal en NBC. La décima y última temporada estrenóse'l domingu 1 de mayu de 2011 a les 9 p.m. EDT con miembros orixinales del repartu Vincent D'Onofrio y Kathryn Erbe interpretando a los detectives Robert Goren y Alexandra Eames, respeutivamente, y con Jay O. Sanders como'l capitán Joseph Hannah. La serie concluyó'l 26 de xunu de 2011 dempués de 10 temporaes con un total de 195 episodios.
Repartu
Referencies
Enllaces esternos
Categoría:Series de televisión d'Estaos Xuníos Categoría:2001 Categoría:2011 Categoría:Series de televisión de NBC