Jurij Dalmatin , tamién conocíu como Jurij Dalmata, foi un reformador protestante, escrito eslovenu y traductor de la Biblia.
Biografía Créese que los antepasaos de Dalmatin emigraron dende Dalmacia o vía Dalmacia.
Foi educáu na so ciudá natal, en Krško, pol maestru protestante Adam Bohorič, quien tuvo una gran influencia nél. De 1565 a 1566 estudió na escuela llatina inferior de Württemberg. De 1566 a 1572 estudió en Tübingen, onde vivió y trabayó Primož Trubar, el fundador de la lliteratura eslovena.
Como pastor protestante, tamién sirvió en ciudaes alemanes y eslovenes, como Llubliana.
Dalmatin foi el primeru en traducir la Biblia dafechu al eslovenu. Esta traducción influyó fondamente nel desenvolvimientu de la llingua lliteraria eslovena. Inclusive a los sacerdotes católicos dexóse-yos utilizar la traducción de Jurij Dalmatin con un permisu especial, yá que entá nun teníen una traducción católica de la Biblia.
Referencies
Bibliografía
Enllaces esternos
Categoría:Escritores n'eslovenu Categoría:Escritores d'Eslovenia Categoría:Traductores de la Biblia Categoría:Protestantismu Categoría:Traductores al eslovenu