Alfred Victor Philadelphe du Pont de Nemours foi un químicu ya industrial francés emigráu a los Estaos Xuníos. Foi'l fíu mayor y socesor d'Éleuthère Irénée du Pont, fundador de la E.I. du Pont de Nemours and Company.
Primeros años y familia
Du Pont nació en París, fíu d'Éleuthère Irénée du Pont y Sophie Madeleine Dalmas du Pont. Llegó a los Estaos Xuníos en 1800 como neñu y crióse alredor de los molinos de pólvora fundaos pol so padre nel Brandywine Creek en Delaware. Dempués asistió al Mount Airy College, en Germantown, Pennsylvania, y estudió química nel Dickinson College. Mientres esi periodu foi presidente de la Belles Lettres Literary Society y fíxose amigu d'unu de los sos profesores, Thomas Cooper. Más tarde convirtióse n'asistente de Cooper na Universidá de Pennsylvania. Du Pont casó cola americana Margaretta Elizabeth La Motte (o Lammot) en 1824; tuvieron siete fíos. El so fíu, Alfred Victor du Pont, foi ún de los padres fundadores del capítulu alfa (primeru) de la fraternidá Phi Kappa Sigma'l 19 d'ochobre de 1850, afiliada a la Universidá de Pennsylvania, que ye miembru fundador de la North American Interfraternity Conference.
Empresa En 1818, du Pont tornó a casa pa ayudar al so padre a reconstruyir la empresa de pólvora tres d'una explosión que mató a 33 persones y mancó a la so ma. Trabayó estrechamente colos emplegaos de los molinos y interesóse especialmente pola investigación de nuevos desarrollos químicos de la pólvora. El llaboratoriu foi la so casa. Dempués de cuasi 20 años y tres una reorganización de la sociedá por Jacques Antoine Bidermann, convirtióse en xefe de la empresa en 1837. Foi un papel difícil pa él, y tres dirixir la compañía na recuperación d'una catastrófica esplosión en 1847, retiróse con mala salú en 1850.
Muerte ya heriedu Alfred du Pont morrió'l 4 d'ochobre de 1856 en Eleutherian Mills, cerca de Greenville, Delaware, y ta soterráu nel cementeriu du Pont de Nemours cerca de Greenville.
Referencies
Enllaces esternos
Categoría:Químicos y químiques d'Estaos Xuníos Categoría:Empresarios y empresaries d'Estaos Xuníos Categoría:Persones de París