Jožef Klekl foi un escritor prekmuru, sacerdote católicu, periodista y políticu.
Biografía Jožef Klekl nació na enllanada de Transmurania. El so güelu, Anton Klekl, treslladóse de Baxa Estiria a Hungría. El so primu tamién se llamaba Jožef Klekl (1879–1936), quien yera editor d'un periódicu y sacerdote católicu.
Foi ordenáu sacerdote'l 11 de xunetu de 1897. En 1905 convirtióse en párrocu de Pečarovci, pero la so salú deterioróse. Poro, retiróse a Črensovci (Črenšovci), onde se dedicó a la lliteratura, el periodismu y la política. En 1904 fundó la revista católica prekmura Marijin list (Periódicu de la María). Depués, en 1913, fundó'l periódicu prekmuru más importante, Novine, que se publicó hasta 1941.
Convirtióse nel líder del partiú Slovenska Lüstva Stranka (Partíu Popular Eslovenu) tres la muerte de Franc Ivanocy (1913). L'oxetivu de Klekl yera unir a los eslovenos d'Hungría con los eslovenos de Carniola y Estiria, prevenir la violenta maxarización de Transmurania y llograr el desenvolvimientu económicu de la rexón. En política, caltuvo una postura católica coherente y con procuru. Los protestantes de Transmurania nun ayudaron a Klekl nos sos esfuerzos.
Hungría foi ganada na Primer Guerra Mundial. El nuevu gobiernu intentó llegar a un entendimientu coles distintes nacionalidaes d'Hungría. Klekl presentó el so plan pa l'autonomía de Transmurania, pero les conversaciones col gobiernu húngaru fracasaron. Por cuenta de la proclamación de la República Soviética Húngara, amosóse puramente a favor de la unificación de Transmurania col Estáu de los Eslovenos, Croates y Serbios.
Dempués de 1920, Klekl siguió esixiendo autonomía en Transmurania del Reinu de Yugoslavia, pero los esfuerzos nun tuvieron ésitu. Tamién aportunó sistemáticamente nel usu del idioma prekmuru na lliteratura, a pesar de qu'otres partes imponíen-y l'usu del eslovenu estándar.
Opúnxose dafechu a la izquierda política, al lliberalismu y al comunismu. En Novine, Klekl escribía de cutiu sobro acontecimientos n'España porque almiraba el fervor de el españoles pola fe católica. Condergó severamente la Revolución d'Ochobre n'Asturies (1934) porque los revolucionarios asesinaron a dellos sacerdotes y creyentes católicos.
La Guerra Civil Española tamién foi tema diaria d'artículos en Novine. Nos sos artículos, Klekl felicitó el bandu subleváu, llamándolos lluchadores pola relixón (veroborci). Mentó específicamente la ocupación nacionalista de les ciudaes de Xixón y Uviéu.
En 1941, Hungría ocupó Transmurania y los ocupantes internaron al vieyu y enfermu Klekl. Amás, bilordiar con demandes falses y prohibieron los sos periódicos. Na Yugoslavia comunista, tamién foi echáu llevantos falsamente porque taba en contra del comunismu y aportunaba n'usar l'idioma prekmuru.
Anguaño, Jožef Klekl ye consideráu'l políticu más importante de Transmurania, quien llogró la unificación de la rexón cola so patria.
Bibliografía
Referencies
Enllaces esternos
Categoría:Escritores en prekmuru Categoría:Sacerdotes católicos Categoría:Políticos y polítiques Categoría:Periodistes