Achille Vertunni foi un pintor italianu.
Biografía Vertunni yera un noble napolitanu qu'al entamu estudió Derechu con Roberto Savarese, anque la so familia tenía la intención de que se convirtiera n'arquiteutu, y matriculólu pa estudiar matemátiques con Ferdinando de Luca. Sicasí, Vertunni inclinóse escontra les artes visuales, lo que provocó un enfrentamientu col so padre, que nun aceptaba que'l so fíu trabayara como artista ensin recursos y acabó desheredándolu. Matriculóse pa estudiar pintura de paisaxe con Salvatore Fergola y dempués de solo ocho meses entamó la so primer etapa d'aprendiz col pintor históricu Giuseppe Bonolis, y darréu con Francesco de Sanctis. Dizse que recibió influencia de Gabriele Smargiassi.
En 1851, Vertunni participó nel concursu añal de l'Academia de Belles Artes de Nápoles, pero los xueces nun llegaron a un alcuerdu sobre un únicu ganador del primer premiu, optando por conceder una medaya de plata ex aequo a Vertunni y a Filippo Palizzi, compañeru de Bonolis y consideráu favoritu polos xueces por cuenta de los sos vínculos cola academia.
Como parte del premiu, los dos artistes recibieron una beca pa estudiar en Roma, y en 1853 Vertunni treslladóse ellí, onde pintó la obra Santa Margherita da Cortona pa la Esposición de Florencia de 1861. Nesi mesmu añu pintó La Pia de' Tolomei y Dante nel Bosco. Tuvo dificultaes pa vender esta última, por ser una obra innovadora que representaba a Pia non como retratu clásicu, sinón sobre un paisaxe de la Maremma. A pesar de les dificultaes económiques, Vertunni afuñicó y convirtióse nun pintor abondosu.
Más tarde, foi nomáu Cavaliere de la Orde de la Corona d'Italia y profesor honorariu del Real Institutu de Belles Artes de Nápoles y de l'Academia Brera de Milán.
Vertunni tuvo 13 fíos del so matrimoniu, y el so atelier, asitiáu na cai Via Margutta, perconocida polos sos pintores, convirtióse nun destín de moda pa la nobleza y los mecenes ricos que realizaben el so Grand Tour d'Europa. Artistes famosos y menos conocíos de la dómina xuntábense ellí, xunto con nobles y protexíos del Papáu, en Roma. Col tiempu, el perfil de los visitantes nacionales del atelier foi camudando, y ente 1868 y 1870, garibaldinos y otros partidarios de la unificación italiana empezaron a avezar los banquetes y folixes onde'l barón recibía a reis europeos, músicos famosos y figures polítiques como'l xeneral La Marmora.
L'usu constante de pigmentos con plomu, que como munchos pintores preparaba a mano, envenenó al artista adulces, provocándo-y parálisis a lo llargo de los últimos 20 años de la so vida. La so esposa Guendalina y les sos dos fíes menores, Giuseppina y Pia, cuidaron del pintor hasta la so muerte en 1897.<ref>[https://books.google.com/books?id=Zz0bAAAAYAAJ ‘‘Dizionario degli Artisti Italiani Viventi: pittori, scultori, e Architetti.], por Angelo de Gubernatis. Tipe dei Successori Le Monnier, 1889, páxs. 542–543.</ref> Entre los sos discípulos figuren Pio Joris I primi anni di Rome capitale (1870–1878): con 100 illustrazioni (1907), por Ugo Pesci, páxina 421. y Pietro Barucci.
Obres Dalgunes de les obres de Vertunni son:
Paludi Pontine, (1861, Florencia, Esposizione Nazionale) La Torre d'Astura, (1862, Milán, Esposizione Nazionale) Le Maremme, rapimento di una donna di Capri da parte dei corsari tunisini, (1866, Esposición Nacional de Milán) Paestum Campagna Romana Incontro de Tasso con Marco Sciarra Manfredi con la sua famiglia ricoverati nel bosco dopo la presa di San Germano Un pensier mesto della madre cara Un desiderio di pace e di amore Spiaggia della Baia Il torrente la Nera presso Borgo di Cerreto Tempesta nelle Paludi Pontine Roma Vecchia Avvicinamento a Paestum Una Vetta degli Appenini''
Referencies
Roma Artistica, Pubblicazione Mensile, Illustrata; Volume 1, Númberu 11; Editor: Architetto Raffaello Ojetti, 1872 Tipografia Romana di C. Bartoli, Piazza Poli #7-13; páxines 81–84.
Enllaces esternos
Categoría:Pintores d'Italia Categoría:Persones de Nápoles