Anurag Acharya ye un científicu informáticu y inxenieru d'orixe indiu y ún de los creadores de Google Scholar. [Consulta: 3 de payares de 2016]
Carrera Acharya graduóse nel Indian Institutes of Technology de Kharagpur, con un grau en Ciencia de la Computación ya Inxeniería en 1987. Recibió'l so doctoráu en Ciencia de la Computación na Universidá Carnegie Mellon en 1994. Tamién foi profesor ayudante na Universidá de California, en Santa Barbara. [Consulta: 3 de payares de 2016]
Nel añu 2000, Acharya integróse nel equipu d'indexación de Google, onde trabayó durante cuatro años. Dempués tomó un añu sabáticu, tres el cual, xunto con Alex Verstak, volvió al analís de cómo los usuarios usaben Google como fonte de consultes puramente académiques. A partir d'esi descubrimientu, empezaron a trabayar na estraición automática de metadatos y nel posicionamientu y ordenación de la lliteratura científica, col fin d'integrar los resultaos nel motor de gueta xeneral. Buscábase meyorar la clasificación de documentos académicos nes guetes web.
El factor que lo llevó a la creación de Google Scholar foi la toma de conciencia sobre la importancia de conocer la esistencia d'información, anque esta, por diversos motivos, nun pudiera ser accesible. Finalmente, puede afirmase que Google Scholar nació'l 18 de payares de 2004, con un equipu de namás dos persones: Acharya y Alex Verstak; dambos provenientes del mundu académicu y conocedores de les necesidaes reales de los investigadores al enfrentase a la llocalización científica. Anurag Acharya creó Google Scholar a partir del so deséu de facilitar les guetes d'artículos, adaptándose a les necesidaes de los investigadores y consiguiendo, d'esta manera, facilitar l'accesu a conteníos académicos. [Consulta: 3 de payares de 2016]
Dende 2023 Acharya tien el títulu d'Inxenieru Distinguíu en Google. Él y el so compañeru en Google, Alex Verstak, fundaron a comuña Google Scholar en 2004. Acharya tuvo la idea del proyectu años antes, cuando yera estudiante de grau nel Indian Institutes of Technology de Kharagpur, onde tuvo torgues p'atopar rápidamente lliteratura académica. Recibió'l premiu d'Antiguu Alumnu Distinguíu del Institutu Indiu de Teunoloxía de Kharagpur en 2016.
Referencies
Enllaces esternos
Categoría:Inxenieros ya inxenieres de la India