Carlos Xavier Blanco Martín ye doctor en filosofía, premiu estraordinariu de Llicenciatura y Doctoráu. Autor de más d'una ventena llibros y más de sesenta publicaciones académiques, abarca abondos temes y estudios d'autores como Karl Marx o Oswald Spengler. Formóse na cátedra de Gustavo Bueno, pero tien sío críticu col materialismu filosóficu n'obres como Ensayos antimaterialistas.
Considéraselu ún de los autores más relevantes de la Nueva Derecha Española, anque refuga esta denomación, y l'introductor n'España del filósofu Diego Fusaro, al qu'entrevistó y tien traducío. Dambos exercieron mutuamente como prologuista del otru. Al empar, collabora davezu cola revista marxista El Viejo Topo.
A lo llargo los años tien defendío posiciones polémiques, como la vuelta a un sistema foral y a una España católica y trescontinental, que'l marxismu nun ye d'izquierdes y pue sirvir de fundamentu pa una filosofía nacional-popular, o afinidá pola cuarta teoría política d'Aleksandr Duguin.
Carlos X. Blanco declaráse asturianista y tien publicao delles obres lliteraries n'asturianu, tanto n'edición física como dixital.
Obres
Ensayu La nación asturiana (Espublizastur, 2007). Casería y socialismo: nación asturiana y marxismo nacionalista (Glayíu, 2008) La caballería espiritual: Un ensayo de psicología profunda (EAS, 2018)
De Covadonga a la nación española: La hispanidad en clave Spengleriana (EAS, 2019) Tiempo de incertidumbre: El final del franquismo y la transición según la CIA d'Estaos Xuníos (Letras inquietas, 2020) Un imperio frente al caos (EAS, 2021) Un virus recorre el mundo: El virus del liberalismo (Letras inquietas, 2021) Ensayos antimaterialistas (Letras inquietas, 2021) La insubordinación de España (Letras inquietas, 2021) El marxismo no es de izquierdas (EAS, 2022) La geopolítica del imperio español (Letras inquietas, 2022) Comunismo: Un fantasma para el siglo XXI (EAS, 2024) España: Historia de una demolición controlada (Letras inquietas, 2024) La izquierda contra el pueblo (Hipérbola Janus, 2024) Ensayos covadonguistas (Letras inquietas, 2025) La España céltica: Una cuestión polémica (Letras inquietas, 2025) La decadencia de Europa: Spengler frente al último hombre (Letras inquietas, 2025)
Novela Nos abilsos prietos (Suburbia Ediciones, 2014) La luz del norte (EAS, 2016) El horror en la selva (EAS, 2020)
Referencies
Enllaces esternos
Categoría:Escritores d'Asturies Categoría:Escritores n'asturianu Categoría:Filósofos y filósofes d'Asturies Categoría:Persones de Xixón