miniatura|Baillarines nel so camerín, añu 1960. Un camerín (plural camerinos) o vestuariu ye un cuartu o habitación qu'hai en teatros y estudios de televisión pa que se vistan y s'arreglen los artistes. Ye una zona a la que nun tien accesu'l públicu.
Suel ser el llugar d'alcuentru pa charrar y compartir opiniones de tolos participantes enantes y dempués del espectáculu. Esti espaciu suel tener meses y silles o bancos, un sistema de comunicación col escenariu, dalgún sistema pa guardar la ropa y los accesorios, dalgún espeyu bien illumináu, un bañu y un llavabu. Los espeyos suelen tener illuminación cenital y llateral, polos dos llaos, pa evitar solombres. Tamién ye vezu qu'haya una pequeña nevera o dalgún llugar pa guardar comida, una cafetera, un teléfonu o conexón wifi.
Referencies
Enllaces esternos