La Hidrometeoroloxía ye la caña de la meteoroloxía y la hidroloxía qu'estudia la tresferencia d’agua y enerxía ente la superficie terrestre y la parte baxa de l'atmósfera, y que s’aplica tanto a la investigación científica como a la predicción operativa y l'usu comercial.
Anque tradicionalmente los meteorólogos y los hidrologos pertenezan a organismos distintos, los hidrometeorólogos pueden trabayar n'equipos conxuntos, virtuales o en proyeutos específicos, inclusive n'ubicaciones compartíes de forma permanente pa llograr oxetivos concretos. Polo xeneral, un hidrometeorólogu tien formación de base nuna d'estes disciplines y complementada con entrenamientu especializáu y formación como predictor. La combinación de conocimientos y ferramientes de dambes árees trai beneficios como la meyora nos plazos d'alerta ante fenómenos hidrometeorolóxicos y una xestión más eficiente de los recursos y datos disponibles.
Riesgos naturales La UNESCO desenvuelve diversos programes y actividaes pa estudiar los riesgos naturales d’orixe hidrometeorolóxicu y amenorgar los sos efeutos. Estos inclúin llenes, ciclones tropicales, seques y desertificación. Dellos países crearon servicios hidrometeorolóxicos operativos pa dar pronósticos, alertes y información pública sobre esti tipu de fenómenos.
Referencies
Enllaces esternos
Categoría:Meteoroloxía Categoría:Hidroloxía Categoría:Climatoloxía Categoría:Ciencies de la Tierra