Douglas Steven Massey ye un sociólogu d'Estaos Xuníos. En 2025 ye profesor de socioloxía na Escuela de Asuntos Públicos y Internacionales de Princeton na Universidá de Princeton y profesor asociáu de socioloxía na Universidá de Pensilvania. Massey ta especializáu na socioloxía de la inmigración y escribió sobre l'efeutu de la segregación urbana de los afroamericanos nos Estaos Xuníos. Foi presidente de l'Asociación de Población d'Estaos Xuníos, de l'Asociación Sociolóxica Americana y de l'Academia Americana de Ciencies Polítiques y Sociales. Ye coeditor de la Annual Review of Sociology.
En 2005 recibió'l Premiu Princesa d'Asturies de Ciencies Sociales.
Llogros académicos Massey llogró'l so títulu de grau en socioloxía, psicoloxía y castellanu na Universidá de Western Washington en 1974. En 1977 llogró un máster en socioloxía na Universidá de Princeton y en 1978 el doctoráu. Foi becariu pola Fundación Guggenheim ente 1990 y 1991.
Douglas S. Massey ye fundador y codirector del Latin American Migration Project, y del Mexican Migration Project xunto al so collaborador de tiempu Jorge G. Durand.
Ye miembru del conseyu del Institutu d'Investigación Interdisciplinaria sobre Conflictos y Violencia () na Universidá de Bielefeld, antiguu editor de la International Journal of Conflict and Violence y coeditor de la Annual Review of Sociology.
Massey foi presidente de l'Asociación de Población d'Estaos Xuníos en 1996. Exerció como 92ᵘ presidente de l'Asociación Sociolóxica Americana ente 2000 y 2001, y foi presidente de l'Academia Americana de Ciencies Polítiques y Sociales ente 2006 y 2015. En 2008 recibió un reconocimientu especial del Conseyu Cultural Mundial.
Les árees d'investigación de Massey inclúin: demografía, socioloxía urbana, raza y etnicidá, migración internacional y la sociedá d'América Llatina, especialmente Méxicu.
Referencies
Enllaces esternos
Categoría:Sociólogos y sociólogues d'Estaos Xuníos Categoría:Premiu Princesa d'Asturies de Ciencies Sociales Categoría:Persones d'Olympia (Washington)