Pleurotus eryngii, llamada popularmente cogorda de cardu, ye un hongu basidiomicetu del orde Agaricales. La cogorda ye una de les meyor conocíes n'España, onde ye bien apreciada pol so sabor y recoyida como alimentu.
Descripción Ye una cogorda que presenta gran variedá de tonos pardos, dende la crema hasta el marrón escuro. Tien sombreru más o menos convexu, primero circular y nel maduror más irregular d'hasta unos 8 cm. Les sos llámines son ablancazaes y decurrentes sobro el pie que suel ser gruesu y curtiu. Dacuando crez en grupos sobro la mesma cepa. La so carne ye elástica de golor prestoso y duce.
Taxonomía izquierda|miniaturadeimagen|Cultivu de cogorda de cardu (Pleurotus eryngii) en Pradejón (La Rioxa). El taxón P. eryngii ta consideráu como un complexu d'especies. Tradicionalmente aceptóse la esistencia de dos variedaes, la nominal P. eryngii var. eryngii y P. eryngii var. ferulae que crecen acomuñaes, respectivamente, a raigaños de Eryngium o Ferula. Apocayá añadiéronse otres, na mesma categoría taxonómica de variedá, basaes nes resultaos d'estudios moleculares y nes sos preferencies ecolóxiques:
Distribúyese P. eryngii var. eryngii (DC.) Quél 1872 - asociáu con Eryngium spp. P. eryngii var. ferulae (Lanzi) Sacc. 1887 - asociáu con Ferula communis P. eryngii var. tingitanus Lewinsohn 2002 - asociáu con Ferula tingitana P. eryngii var. elaeoselini Venturella, Zervakis & La Rocca 2000 - asociáu con Elaeoselinum asclepium P. eryngii var. thapsiae Venturella, Zervakis & Saitta 2002 - asociáu con Thapsia garganica
Los estudios moleculares amosaron que Pleurotus nebrodensis, descritu en primer llugar como la variedá P. eryngii var. nebrodensis ye en realidá una especie distinta. Pleurotus fossulatus ye otra especie, estrechamente emparentada con dambes.
Distribución Distribúyese de forma montesa nuna franxa bien definida nel hemisferiu norte, ente los paralelos 30 y 50° N, que toma dende les mariñes atlántiques pel llende oeste hasta Cazayistán ya India pel este, incluyendo gran parte d'Europa central y la cuenca del Mediterráneu.
Hábitat Crez acomuñáu con delles plantes de la familia Apiaceae, sobre manera sobro les del cardu corredor, Eryngium campestre. Suel fructificar na seronda, particularmente si el suelu recibió precipitaciones abondoses y les temperatures son nidies. Dacuando puede fructificar en primavera, siempres que fuera lluviosa y templada . Frecuentemente ye atacada por bárabos, principalmente les recoyíes en primavera.
Referencies
Enllaces esternos
Categoría:Fungos comestibles Categoría:Agaricus