Rita de Diego Fernández , conocida tamién como Madame Riti, Madame Rití o La Faraona, foi una proxeneta asturiana. Foi influyente na ciudá so ciudá natal, siendo'l so llocal un puntu d'alcuentru d'altes esferes llocales ya internacionales.
Biografía Nació en Xixón en xineru de 1934. Enantes de dedicase al mundu de la prostitución, trabayó dende los catorce años como cigarrera en Cimavilla, y más tarde, como operadora vidrera en La Industria y Llaviada.
Cola ayuda d'un home importante de la ciudá, montó'l Club Arlequín nos años 1960, xestionándolo hasta 1999. El taburdiu, consideráu como'l más «míticu» que tuvo la ciudá, vio pasar alcaldes, presidentes de clubes de fútbol, y directivos d'empreses como ThyssenKrupp o ENSIDESA. En 1980, foi incluyíu nel llibru , de Fernando Poblet, onde'l periodista señalaba que "lo de Madame Riti nun ye un taburdiu, sinón un Centru", nel que los asistentes "pertenecíen a les cortes más pernomaes del hipódromu xixonés, cola única diferencia de qu'unes iniciales correspondíen a les de los veníos a más, y otres, a los veníos a menos". Lalo Azcona llegó a definir el llocal como "la primer ONG llocal".
El 1 de marzu de 2001 rindióse-y un homenaxe n'honor a la so trayectoria profesional en Somió, al qu'asistieron personalidaes como Quini.
Muerte Morrió arrodiada de la so familia en Madrid el 18 de marzu de 2025 por cuenta de la rotura de la so arteria aorta.
Referencies
Enllaces esternos
Categoría:Persones de Xixón Categoría:Proxenetes