Marie-Anne Colson-Malleville , nacida como Marie Anne Françoise Mareau, foi una directora de cine francesa, conocida polos sos curtiumetraxes documentales sobro Arxelia. Foi pareya y socia de la directora Germaine Dulac dende la década de 1920 hasta la muerte d'esta en 1942.
Trayectoria Nació en Sainte-Gemmes-sur-Loire en 1892. Trabayó como profesora y programadora de cine na so mocedá.
Foi asistente de dirección en cinco películes mudes dirixíes pola so compañera Germaine Dulac na década de 1920: Gossette (1923), Celles qui s'en font (1923), Âme d'artiste (1924), Le Diable dans la ville (1925) y L'Invitation au voyage (1930). Dempués de la muerte de Dulac, Colson-Malleville volvió al cine y dirixó documentales como Doigts de lumière (1949), Baba Ali (1952), Des rails sous les palmiers (1952), Tapisseries de l'apocalypse (1956), A la sueur de ton front (1957), y Pierre de Lune (1960). Munchos de los sos curtiumetraxes documentales realizólos en y sobre l'Arxelia francesa. Tamién escribió cantares y entamó alcuentros sobre la historia del cine.
Vida personal Colson-Malleville y Germaine Dulac fueron compañeres tantu na so vida profesional como privada, dende principios de la década de 1920 hasta la muerte d'esta en 1942. Mientres esti periodu, tuvo casada dos vegaes, primero con Paul Malleville y con George Colson. Dambos homes trabayaben na industria cinematográfico francesa y yeren de la mesma amigos de Dulac.
Caltuvo los artículos y la correspondencia de Germaine Dulac, que finalmente fueron archivaos como Fonds Marie-Anne Colson-Malleville na Bibliothèque du Film de París, asina como tamién les conferencies sobre cine, que finalmente fueron publicaes en 2019 como What is Cinema?
Morrió en 1971, a la edá de 79 años, en París. El cineasta francés Pierre Filmon ye el sobrín nietu de Colson-Malleville, el nietu del so hermanu.
Filmografía
Ayudante de direición 1923: Gossette de Germaine Dulac 1924: Âme d'artiste de Germaine Dulac 1925: Le Diable dans la ville de Germaine Dulac 1927: L'Invitation au voyage de Germaine Dulac 1923: Celles qui s'en font de Germaine Dulac
Direutora 1947: Deglet Nour, doigt de lumière (curtiumetraxe documental) 1948: El Oued, la ville aux mille coupoles (curtiumetraxe documental) 1948: La Caravane de la lumière (curtiumetraxe documental) 1949: Les Assistantes sociales en Algérie (curtiumetraxe documental) 1949: Doigts de lumière (documental, 14 minutos) 1949: Escale à Oran (curtiumetraxe documental) 1952: Le Petit Monde des étangs (curtiumetraxe documental) 1952: Des rails sous les palmiers (documental, 18 minutos) 1952: Baba Ali (documental, 15 minutos) 1953: Du manuel au robot (curtiumetraxe documental) 1953: La Route éternelle (curtiumetraxe documental) 1953: Le Châtelot (curtiumetraxe documental) 1955: Tapisseries de l'apocalypse (documental, 19 minutos) 1955: L'Idée de François Buloz (curtiumetraxe documental) 1957: Naissance et grandeur d'une revue française (curtiumetraxe documental) 1957: À Joinville, un dimanche (curtiumetraxe documental) 1960: Delacroix, peintre de l’Islam (curtiumetraxe documental) 1961: Pierre de Lune (documental, 12 minutos)
Reconocencies En 2020, el llibru escritu por Colson-Malleville cola so compañera Dulac, Qu'est-ce que le cinéma?, que foi publicáu por Clément Lafitte y Tami Williams en versión billingüe, foi reconocíu col Premiu del Llibru de Cine del Centru Nacional del Cine y la Imaxe Animada, presidíu por Isabelle Carré.
Referencies
Enllaces esternos
Deglet Nour and Doigts de lumière, films by Colson Malleville, uploaded to YouTube by Archives Numériques du Cinéma Algérien
Categoría:Direutores de cine mudu Categoría:Direutores de cine de Francia Categoría:Direutores de cine documental Categoría:Maine y Loira