Gisela Vaquero ye una diseñadora y desarrolladora de videoxuegos catalana, fundadora y CEO en Jellyworld Interactive.
Biografía Matriculóse na Escuela d'Arte Cimeru de Diseñu, en Girona. Decidió que quería ser guionista de videoxuegos. En 2005, graduóse en Publicidá y Relaciones Públiques na Universidá de Girona. En 2008, dempués estudió Comunicación Audiovisual na Universidá de Barcelona, llogrando'l grau. Tamién se formó en Guión de Videoxuegos, faciendo en 2011 un máster en Diseñu y Programación de Videoxuegos, na Universidá Politécnica de Cataluña. Yera la única muyer ente 30 estudiantes. Nesi tiempu, diose cuenta de que nun había nenguna organización de videoxuegos, pero navegando per Internet vio iniciatives qu'había n'Estaos Xuníos o en Londres para promover la presencia femenina, y eses idees daríen el so frutu en 2017, al crear l'asociación Women in Games.
Trayectoria profesional En 2011 empezó a trabayar como diseñadora de videoxuegos. Depués tuvo en Codiwans, en Barcelona, faciendo un xuegu indie, collaborando con dellos equipos. Ente 2014 y 2016 trabayó en Davalor Salud, en Pamplona, onde fixo la función de lead designer, amás de xestionar los equipos, más en xeres de la producción. Darréu, foi a Irlanda del Norte. Ellí foi onde se propunxo crear los sos propios proyectos, y asina surdió JellyWorld Interactive, de la que ye CEO. Tamién ye presidenta de l'asociación de Women in Games, n'España, que foi creada en 2017, xunto con un grupu de muyeres desarrolladores españoles. Llanzó al mercáu los xuegos Trainpunk Run (2018) y Woman’s Quiz (2019). Dende 2019 trabaya na Universidá Abierta de Cataluña como profesora collaboradora nel máster de Diseñu y Desenvolvimientu de Videoxuegos.
Reconocencies 2018. Nominada a los premios europeos Women in Games. 2018. Premiu Aspasia. 2021. Premiu Dixital Jove "Dixital. Muyer. Plural".
Referencies
Enllaces esternos
Categoría:Desarrolladores de videoxuegos Categoría:Persones de la provincia de Girona