Constantina Pérez Martínez , conocida como Tina Pérez, foi una militante comunista asturiana. Llevó a cabu llabores decisives na Huelgona de 1962 al pie de les sos compañeres Anita Sirgo y Celestina Marrón.
Biografía Tina Pérez nació nel senu d'una familia con una enraigonada conciencia política. El so padre foi fusiláu mientres la Guerra civil y la so madre fuera detenida y encarcelada. Por esto, ella y los sos seis hermanos tuvieron que ser recoyíos por una tía. Políticamente activa dende la so mocedá, a los dieciséis años foi tosquilada per primer vegada pola policía al negase, xunto a la so amiga Amor Gutiérrez, a fregar los llocales de la Falanxe.
En 1946 casó con Víctor Bayón, tamién un militante bien activu, y tuvieron en 1947 a la so fía, Blanca. En 1955 treslladóse a vivir a La Ḥuécara, una aldea de la parroquia llangreana de Sama, onde Bayón empezó a trabayar nel pozu Fondón y conoció al home d'Anita Sirgo, Alfonso Braña.
Cuando empezaron les fuelgues mineres de 1962, Tina Pérez tomó al pie d'Anita Sirgo y otres compañeres un papel bien activu y decisivu para el desenllaz de la fuelga. Por causa de ello, dambes fueron deteníes y interrogaes pola Guardia Civil, qu'amás-yos solmenó palices y tosquilóla como forma d'humildación. El so home viose obligáu a fuxir al exiliu en Francia tres la so participación n'otra fuelga en 1964 y el 20 de marzu de 1965 Tina Pérez y la so fía fueron deteníes de nuevu. Blanca foi lliberada darréu por cuenta de la so edá. Sicasí, Tina Pérez nun salió hasta'l 3 de mayu cola so salú gravemente deteriorada polos golpes recibíos en prisión. Finó'l 14 d'ochobre de 1965. El so entierru foi multitudinariu y foi consideráu como una manifestación, non yá de duelu, sinón tamién de la xunión y hermandá presentes nes lluches mineres.Gómez Ojea, Carmen (2010) Mujeres en el callejero de Gijón, Gijón, Ayuntamiento de Gijón.
Homenaxes y apaiciones na cultura popular Tina Pérez y la so compañera Anita Sirgo tienen una cai dedicada en Xixón, nel barriu de La Camocha. El pintor Eduardo Arroyo recordó a Tina Pérez n'olios y litografíes a partir de 1968. Carlos Álvarez Cruz dedicó-y un poema tamién a Tina Pérez. La directora asturiana Amanda Castro recordó nel so curtiumetraxe A golpe de tacón a Tina Pérez y a la so compañera , Anita Sirgo. Apaez como personaxe nel cómic Los llazos coloraos d'Alberto Vázquez García.
Referencies
Enllaces esternos
Categoría:Guerra Civil Española n'Asturies Categoría:Feministes d'Asturies Categoría:Antifranquismu Categoría:Comunistes d'España Categoría:Persones de Mieres