James W. Fernandez McClintock ye un antropólogu d'Estaos Xuníos. Escribió estensamente y desenvolvió delles teoríes, anque'l so trabayu principal ta nel campu retóricu de l'antropoloxía y céntrase nel papel de les metáfores na cultura. Fernandez ta influyíu pol posmodernismu, qu'utiliza como lente al traviés del cual realiza l'antropoloxía. Realizó trabayu de campu n'Asturies y África Occidental, principalmente nel pueblu Fang en rellación col cultu Bwiti, representáu pola so obra Bwiti. Fernandez enseñó en delles universidaes d'Estaos Xuníos y sigue enseñando como profesor eméritu d'antropoloxía y ciencies sociales na Universidá de Chicago. Llogró una beca Guggenheim pa investigación en ciencies sociales en 2003. Ye Académicu d'Honor de l'Academia de la Llingua Asturiana.
Biografía James W. Fernandez nació'l 27 de payares de 1930 en Chicago (Illinois). Crióse en Galva y treslladóse a Oak Park en 1939. Graduaóse de la Oak Park High School en 1948. Recibió'l so Bachilleratu n'Artes na Amherst College en 1952. Depués d'Amherst, siguió la so educación na Universidá Northwestern. Amás estudió na Universidá de Madrid de 1954 a 1955 y nel Muséu Etnolóxicu de Barcelona. Recibió'l doctoráu na Universidá Northwestern en 1962. Como estudiante, empecipió con investigaciones n'Asturies, na que pasa llargues temporaes en Cangues d'Onís.
Trabayos de campu
Asturies Fernandez realizó'l so primer trabayu de campu n'Asturies, a la que se refier como: "Asturies ye'l mio país, un país que me da la vida y onde realcuentro colos mios raigaños". Magar que pasó un tiempu considerable n'África, finalmente tornaría a les sos investigaciones n'Asturies na década de 1970, y empezó seriamente a terminar la so investigación. Centróse nel cambéu cultural d'Asturies. Los sos principales informantes yeren mineros y pastores de ganáu que vivíen na zona. Rexistró interacciones y eventos etnográficos específicos, incluyíes coses como interacciones ente homes y muyeres nel autobús, folclor y xuegos infantiles. Fernandez publicó munchos artículos sobre Asturies y les sos investigaciones ellí influyeron nos sos escritos, incluyíu-l so llibru Persuasions and performances.
Sur d'España Amás del llibru anterior, escribió munchos artículos basándose nes sos notes de campu del sur d'España. Estos artículos inclúin: Andalusia on Our minds: Two contrasting places in Spain as seen in a vernacular Poetic Duel of the Late 19th Century, Review: Consciousness and Class in Southern Spain, y Provocations of European Ethnology.
Bibliografía
Referencies
Enllaces esternos
Categoría:Antropólogos y antropólogues d'Estaos Xuníos Categoría:Persones de Chicago Categoría:Miembros d'honor de l'Academia de la Llingua Asturiana