Rehana Popal ye una abogada afganistana especializada n'inmigración y derechu civil. Convirtióse na primer muyer d'ascendencia afganistana n'ocupa el cargu d'abogada n'Inglaterra y Gales.
Trayectoria La so familia abellugóse en Reinu Xuníu cuando ella tenía cinco años. La so madre, con ella y trés hermanos, fuxó cuando los talibanes tomaron el control del país per primer vegada. Estudió Política Internacional y Derechu y exerció como abogada n'Inglaterra y Gales. En 2018 denunció qu'un cliente arrenunció a ser defendíu por ella yá que quería a un home blancu. En 2021 ayudó a intérpretes y traductores que trabayaren para les fuerces armaes y que quedaron abandonaos n'Afganistán pola fuxida de les tropes de la OTAN. Consiguió sacar del país a, polo menos, 12 persones.
Reconocencies El 19 de payares de 2019 foi nomada "Abogada del añu" nos Premios First 100 Years 'Inspirational Women in Law' que reconocen a les muyeres líderes na abogacía. En 2021, la BBC incluyola ente les 100 muyeres más inspiradores.
Referencies
Enllaces esternos
Categoría:Persones d'Afganistán Categoría:Abogaos y abogaes d'Afganistán