Erena Baker ye una artista visual neozelandesa d'ascendencia Ngāti Toa Rangatira Te Ātiawa ki Whakarongotai y Te Āti Awa. Baker utiliza la fotografía para esplorar idees de conmemoración y alcordanza dientro de Te ao Māori. Tamién ye miembru del Colectivu Mata Aho, un grupu de cuatro muyeres artistes conocíes poles sos obres d'arte a gran escala. Como parte del colectivu, el so trabayu foi esibíu internacionalmente na Real Academia d'Arte de Londres y la Galería Nacional de Canadá.
Trayectoria En 2009, Baker graduóse con una Maestría n'Artes Visuales Maorinos de la Escuela d'Estudios Maorís Toioho ki Apiti de la Universidá Massey. La so tesis trató sobro la importancia de la semeya na cultura maorí. Empezó a trabayar na escuela como profesora y estableció la so residencia en Palmerston North.
La so primer esposición individual, titulada Pepeha, celebróse na Galería Thermostat en Palmerston North. La so obra fotográfica producida en 2006, Tangu Whakaahua, ta na colección permanente de la Galería d'Arte d'Auckland.
Baker foi una de los miembros fundadores del Colectivu Mata Aho, que se formó en 2012. El grupu ta formáu por Bridget Reweti, Sarah Hudson y Terri Te Tau. Como parte del Colectivu Mata Aho, el trabayu de Baker exibióse internacionalmente na Galería Nacional de Canadá en Ottawa. L'amuesa, Àbadakone, Feu Continuel, Fueu Continuo, presentó una gama d'obres d'artistes indíxenes contemporáneos.
En 2020, el trabayu de Baker tuvo na esposición Toi Tū Toi Ora de la Galería d'Arte d'Auckland. El so trabayu fotográficu individual incluyóse xunto col que produció col Colectivu Mata Aho.
Reconocencies En 2024, foi reconocida xunto con Bridget Reweti, Sarah Hudson y Terri Te Tauel col Lleón d'Oru na 60ª Bienal de Venecia, como miembros del Colectivu Mata Aho, pola so obra Takapau.
Bibliografía 2006, Our People, Our Land, Our Images. International Indigenous Photographers. ISBN 9781597140577. 2023, The Routledge Companion to Decolonizing Art History. ISBN 9781000969993.
Referencies
Enllaces esternos
Páxina web oficial del Colectivu Mata Aho
Categoría:Artistes de Nueva Zelanda