Federico Mediante Noceda foi un escritor y periodista asturianu.
Trayeutoria miniatura|Federico y José Mediante c. 1930. Fíu del maestru Manuel Mediante, Federico acompañaba nel so barcu al so güelu maternu nos viaxes ente Ribadeo y Xixón. Emigró a Arxentina con 14 años d'edá. Tuvo dellos trabayos ellí. En 1907 tornó a España y ufiertóse como voluntariu nel Reximientu d'Infantería Príncipe, col que participó na Guerra de Melilla, onde foi fechu prisioneru. Una vegada lliberáu tornó a la so tierra natal.
En 1914 viaxó de nuevo a Arxentina, onde collaboró con periódicos como El Argentino o El Comercio y fundó La Tarde. Collaboró depués en Eco de Galicia, Heraldo de Galicia, El Regional, El Compostelano, La Comarca, Las Riberas del Eo y Vida Gallega.
Trabayó como actor de teatru ya enrolóse nun circu col que visitó Mercedes. Ellí conoció a Horentina Acosta Waytorn con quien casó. Tornó a España, instalándose en Madrid. Ellí trabayó como intérprete pal cine mudu.Sánchez Salas, Daniel (1998). "La figura del explicador en los inicios del cine español" pp. 73-84. Actas del VI Congreso de la A.E.H.C .
Anarquista, col golpe d'Estáu del 18 de xunetu de 1936 abellugóse en Ribadeo onde'l so hermanu José rexentaba el Café-Bar Mediante. Al rematar la guerra, gracies a la carta d'encamientu del director de Las Riberas del Eo, pudo tornar a Madrid cola so esposa. En Ribadeo escribió Versos de Ausencia e A orillas del Pilcomayo, la so primer obra d'aventures, xéneru que lu fairía famosu.
Morrió en 1951 d'un cáncanu de gargüelu.
Foi autor de más de cien noveles populares,Cora, Xosé de (13/7/2021). "Federico Mediante, autor de cien novelas, actor, explicador de películas…" . usando diferentes pseudónimos, H. A. Waytorn (que son les iniciales de la so muyer) y otros como Fred Baxter, Norman Lincoln, Walter Brown, Hendrix Keyne, Spencer Scott, J. Medhel, Bill O'Hara, Boris King, King Drake ou Warner Williams.
Reconocencies En 2023 espublicóse Federico Mediante, el Salgari español, d'Ana Rosa Martínez Loredo, nieta d'él.
Referencies
Enllaces esternos
Categoría:Escritores d'Asturies Categoría:Periodistes d'Asturies Categoría:Persones d'A Veiga