Fremona (, fəremona) foi una llocalidá allugada na actual rexón de Tigray, nel norte d'Etiopía. Foi la base de los misioneros católicos nesa rexón durante los sieglos XVI y XVII. Dlgunos autores como Bernhard Lindahl identifiquen Fremona col asentamientu actual d'Endiet Nebersh, asitiáu a 10 km d'Adua."Local History in Ethiopia" The Nordic Africa Institute website (accessed 27 September 2007)
Historia Fremona llamóse d'antiguo "Maigoga" (mai, en tigriña "agua," y guagua, "ruidosa") por causa de dos regatos que travesaben la población. L'orixe del nome ye inciertu anque ye antiguu y apaez nes inscripciones d'Aksum. En 1577 l'obispu Andrés de Oviedo morrió nesta población y la so tumba convirtióse nun santuariu pa los católicos de la rexón.
Foi este el llugar al que se retiraron los sacerdotes católicos, obispu y patriarca mientres el so exiliu una vegada que l'Emperador Fasilides refugó'l catolicismu y restauró l'estatus oficial de les creyencies tradicionales na Ilesia Ortodoxa Etíope en 1634. Naquel momentu, según Jerónimo Lobo la población tenía unos 400 habitantes.
Dempués de que los misioneros católicos xesuites fueren desterraos d'Etiopía en 1636, Fremona foi finalmente abandonada, anque se desconocen los detalles. L'historiador d'Etiopía Richard Pankhurst cita un documentu fiscal de 1697 que menta Fremona pol so antiguu nome de Maigoga.Richard K.P. Pankhurst, History of vol. 1 Ethiopian Towns: From the Middle Ages to the Early Nineteenth Century (Wiesbaden: Franz Steiner Verlag, 1982), páx. 71. L'exiptólogu Henry Salt viaxó pela zona na década de 1800 y declaró que nun atopó a naide que reconociera el nome del llugar.
Referencies
Enllaces esternos
Categoría:Llocalidaes d'Etiopía Categoría:Historia d'Etiopía