Salvatore Cutugno , más conocíu como Toto Cutugno, foi un cantautor y compositor italianu.
Carrera artística Entamó nel Festival de Sanremo de 1976, col grupu Albatros, interpretando el cantar «Volo AZ504», qu'algamó la tercer posición. Al añu siguiente, presentóse de nuevu nel Festival con «Gran Premio». El so entamu como solista foi en 1980, cuando venció nel Festival de Sanremo con «Solo Noi». Esi mesmu añu participó nel Festival Yamaha Music en Tokiu col cantar "Francesca Non Sa", quedando na sesta posición na final.
Nos años posteriores, clasificóse hasta cinco vegaes en segunda posición (1984, 1987, 1988, 1989 y 1990). Tamién quedó segundu en 1985, pero esta vegada como compositor, cuando escribió'l cantar «Noi ragazzi di oggi», qu'interpretó'l cantante Luis Miguel. Llogró la primer posición nel Festival d'Eurovisión de 1990, en Zagreb (antigua Yugoslavia), con «Insieme: 1992». Al añu siguiente, presentó'l Festival xunto con Gigliola Cinquetti. Foi tamién presentador de televisión, siendo los sos programes más famosos Piacere Raiuno y Domenica In (un programa d'entretenimientu dominical de la cadena italiana Rai Uno).
Tamién compunxo cantares pa otros artistes, tanto italianos como estranxeros, como Massimo Ranieri, Franco Califano, Gloria Simonetti, Ricardo Sepúlveda y Cristian Castro, ente otros.
Ye bien conocíu pol cantar «L'Italiano (Lasciatemi Cantara)», col que participó nel Festival del Cantar Italianu de Sanremo en 1983.
Participación bel Festival de Sanremo 1976: Volo AZ504, con Albatros 1977: Gran premio, con Albatros 1980: Solo noi 1983: L'Italiano 1984: Serenata 1986: Azzurra malinconia 1987: Figli 1988: Emozioni 1989: Le mamme 1990: Gli amori, xunto con Ray Charles 1995: Voglio andare a vivere in campagna 1997: Faccia pulita 2005: Come noi nessuno al mondo, xunto con Annalisa Minetti 2008: Falco Chiuso in Gabbia 2010: Aeroplani
Referencies
Enllaces esternos
Categoría:Cantautores d'Italia Categoría:Músicos y músiques d'Italia Categoría:Presentadores de televisión d'Italia Categoría:Representantes d'Italia n'Eurovisión Categoría:Persones de la Toscana Categoría:Eurovisión