Pepa Telenti Alvargonzález foi una periodista asturiana.
Biografía En llicenciándose en Ciencies de la Información na estaya de periodismu na Universidá Complutense de Madrid (1979), completó la so formación universitaria con un máster en Direición de Comunicación Empresarial ya Institucional na Universidá Autónoma de Barcelona.
Trabayó ventiocho años nel periodismu. Foi una de les primeres muyeres n'ocupar diversos puestos de direición. Concretamente foi: redactora xefe de los diarios La Voz de Asturias y El Diario Montañés; subdireutora del diariu El Comercio (1996-2004), so la direición primero de Juan Mari Gastaca y depués de Juan Carlos Martínez Gauna; direutora de l'Axencia Galega de Noticias ya Image Press y xefa de redaición de programes de la Radiotelevisión del Principáu d'Asturies.
Dende 2004 dirixó'l gabinete de comunicación de los cursos de branu de la Universidá de Cantabria. En 2006 trabayó nel departamentu de comunicación de Llaboral Centru d'Arte y Creación Industrial, aumentando la identidá del centru, ameyorando la comunicación colos distintos públicos, y diseñando estratexes de comunicación. Tamién foi responsable de prensa de la Xunta Xeneral del Principáu (2015-2019).
Foi profesora de Redaición Periodística de la Llicenciatura de Periodismu na Escuela Cimera de Negocios d'Asturies.
Vida personal Nació en Xixón, nuna familia de cinco fíos: Pepa, Carmen, Ramón, Ana y Jorge. Taba casada con Miguel Fanjul de Viedma.
Finó en Xixón, a los 65 años, el 28 de xineru de 2023, por mor d'una grave enfermedá que-y diagnosticaren pocos meses antes.
Referencies
Enllaces esternos
Categoría:Periodistes d'Asturies Categoría:Persones de Xixón